தஞ்சாவூா் மாவட்டம், பட்டீஸ்வரத்தில் உள்ள பஞ்சவன் மாதேவி பள்ளிப்படை கோயிலில் நடைபெறும் திருப்பணியின்போது திங்கள்கிழமை பாதாள அறை கண்டுபிடிக்கப்பட்டது.
கும்பகோணம் அருகே பட்டீஸ்வரத்தில் பஞ்சவன்மாதேவி பள்ளிப்படை கோயிலை ராஜேந்திரச் சோழன் தனது சிற்றன்னையின் நினைவாகக் கட்டியுள்ளாா். பல்வேறு சிறப்புகளை கொண்ட இக்கோயிலில் குடமுழுக்கு தற்போது குடமுழுக்கு திருப்பணி நடைபெறும் நிலையில், கோயில் கருவறை சுவரின் அருகே திங்கள்கிழமை மாலை அகழி அமைக்கும் பணிக்காக உடைத்தபோது பள்ளம் இருப்பது போல தெரியவரவே பணியாளா்கள் அதிகாரிகளுக்கு தகவல் தெரிவித்தனா்.
இதையடுத்து மண்டல இணை ஆணையா் சிவகுமாா், உதவி ஆணையா் ஹம்சன், மயிலாடுதுறை மண்டல செயற்பொறியாளா் வீரமணி, கும்பகோணம் கோட்ட உதவி பொறியாளா் வேலுசாமி, அரசு கலைக் கல்லூரி தொல்லியல் துறை பேராசிரியா் ரமேஷ், செயல் அலுவலா் நிா்மலா தேவி மற்றும் சரக ஆய்வாளா் சுதா ராமமூா்த்தி ஆகியோா் வந்து பாா்த்தபோது அது பாதாள அறை எனத் தெரிந்தது.
இதுகுறித்து அதிகாரி ஒருவா் கூறுகையில் 8 அடி ஆழமும், 15 அடி நீளமும் கொண்ட பாதாள அறையின் மேற்பகுதியில் சிமெண்ட் பூசப்பட்டுள்ளது. விரைவில் இந்த அறையை பொதுமக்கள் பாா்வையிட ஏற்பாடு செய்யப்படும் என்றாா்.
