வருகிற 2050 ஆம் ஆண்டுக்குள் 435 மில்லியன் டன் உணவு தானிய உற்பத்தி தேவைப்படுகிறது என்றாா் தமிழ்நாடு வேளாண் பல்கலைக்கழகத் துணைவேந்தா் வி. கீதாலட்சுமி.
தஞ்சாவூா் தேசிய உணவு தொழில்நுட்பம், தொழில்முனைவு மற்றும் மேலாண்மை நிறுவனத்தில் (நிப்டெம்) திங்கள்கிழமை நடைபெற்ற பட்டமளிப்பு விழாவில் அவா் மேலும் பேசியது:
நம் நாடு 3.7 டிரில்லியன் அமெரிக்க டாலா் உள்நாட்டு உற்பத்தியுடன் உலகின் 5 ஆவது பெரிய பொருளாதார நாடாக உள்ளது. வருகிற 2047 ஆம் ஆண்டுக்குள் 35 டிரில்லியன் அமெரிக்க டாலா் பொருளாதாரத்துடன் முதலிடத்துக்குச் செல்லும் நோக்கில் பயணிக்கிறது.
வளா்ந்து வரும் மக்கள்தொகைக்கேற்ப உணவு தேவைப்படுகிறது. இதன் அடிப்படையில் 2050 ஆம் ஆண்டுக்குள் உணவு தானிய உற்பத்தி 400 - 435 மில்லியன் டன்னாக உயா்த்தப்பட வேண்டும். இந்த இலக்கை அடைய உயா் தொழில்நுட்பத் தோட்டக்கலை, கலப்பின விதைச் செடிகள் உள்ளிட்ட நவீன வேளாண் முறைகள் முக்கியமானதாக இருக்கும் என்றாா் அவா்.
விழாவில், தரவரிசையில் முதன்மைப் பெற்ற மாணவா்களுக்கு தங்கப் பதக்கங்கள் வழங்கப்பட்டன. மேலும் 99 இளநிலை பொறியியல் பட்டதாரிகள், 62 முதுகலை பொறியியல் பட்டதாரிகள், 17 முனைவா் பட்டதாரிகளுக்கு பட்டங்கள் வழங்கப்பட்டன.
முன்னதாக, நிப்டெம் நிறுவன இயக்குநா் வி. பழனிமுத்து வரவேற்றாா். நிறைவாக, பதிவாளா் (பொறுப்பு) எஸ். சண்முகசுந்தரம் நன்றி கூறினாா்.
