பணம் இரட்டிப்பு மோசடி: 5 போ் கைது

பணத்தை இரட்டிப்பாக்கி தருவதாகக் கூறி, முதியவரிடம் ரூ.3 லட்சம் மோசடி செய்ததாக 5 பேரை போலீஸாா் வெள்ளிக்கிழமை கைது செய்தனா்.

நாமக்கல் மாவட்டம், ராசிபுரம் பகுதியைச் சோ்ந்தவா் சிவசுப்பிரமணி (62). இவருக்கு அறிமுகமான லோகு என்பவா், மதுரையில் உள்ள நண்பா்கள் மூலம் பணத்தை இரட்டிப்பாகித் தருவதாகக் கூறினாராம். இதை நம்பிய சிவசுப்ரமணி ரூ.3 லட்சத்துடன் மதுரை சின்னசொக்கிகுளம் பகுதியில் உள்ள கமலா தெருவுக்கு கடந்த 23-ஆம் தேதி இரவு வந்தாா்.

அப்போது, அங்கு வந்த ஒருவா் சிவசுப்பிரமணியிடம் இருந்த பணத்தைப் பெற்றுக் கொண்டு, அருகில் இருந்த காருக்கு வந்து பணத்தை பெற்றுச் செல்லுமாறு கூறினாராம். அப்போது, அங்கு இரு சக்கர வாகனத்தில் வந்த இருவா் போலீஸாா் போல நடித்து, இவா்களை விசாரிப்பது போல மிரட்டினாா்களாம். அந்த நேரத்தில், சிவசுப்ரமணியிடமிருந்து பணத்தை பெற்ற நபா், காரில் இருந்த மூவருடன் ஏறி தப்பிச் சென்றாா்.

இதுகுறித்து சிவசுப்ரமணி அளித்த புகாரின் பேரில், தல்லாகுளம் காவல் நிலைய போலீஸாா் வழக்குப் பதிந்து விசாரணை நடத்தினா்.

விசாரணையில், சிவசுப்ரமணியிடமிருந்து பணத்தைப் பறித்தது மதுரை அண்ணாநகரைச் சோ்ந்த முத்துக்குமாா் (47), கோ. புதூா் பகுதியைச் சோ்ந்த பதினெட்டாம்படி ( 49), சமயநல்லூரைச் சோ்ந்த முருகபாண்டி (38), தூத்துக்குடியைச் சோ்ந்த பாலசுப்பிரமணியன் (54), சிவகங்கையைச் சோ்ந்த ராஜேஷ் (45) ஆகியோா் என்பது தெரியவந்தது. இதைத்தொடா்ந்து, இவா்கள் 5 பேரையும் போலீஸாா் வெள்ளிக்கிழமை கைது செய்தனா்.