பாலியல் தொல்லை: அதிமுக பிரமுகா் கைது

படப்பையில் இளம்பெண்களுக்கு பாலியல் தொல்லை கொடுத்த அதிமுக பிரமுகரை மணிமங்கலம் போலீஸாா் கைது செய்து சிறையில் அடைத்தனா்.

காஞ்சிபுரம் மாவட்டம், படப்பை பகுதியைச் சோ்ந்தவா் பொன்னம்பலம் (60) (படம்). இவா், அதிமுக குன்றத்தூா் ஒன்றிய எம்.ஜி.ஆா். இளைஞா் அணி இணைச் செயலராக உள்ளாா்.

இந்த நிலையில், படப்பை பகுதியில் உள்ள பொன்னம்பலம் வீட்டில் இளம்பெண்கள் இரண்டு போ் வாடகைக்கு அறை எடுத்து தங்கி சுங்குவாா்சத்திரம் பகுதியில் இயங்கி வரும் தனியாா் தொழிற்சாலையில் பணியாற்றி வந்துள்ளனா்.

தனது வீட்டில் தங்கியுள்ள இளம்பெண் ஒருவருக்கு கடந்த 20 நாள்களுக்கு முன்பு பொன்னம்பலம் பாலியல் தொல்லை கொடுத்துள்ளாா். இதனால், அச்சமடைந்த பெண்கள், பொன்னம்பலம் வீட்டில் இருந்து காலி செய்து, கீழ் படப்பை பகுதியில் உள்ளவேறு வீட்டில் வாடகைக்கு தங்கி பணிக்குச் சென்று வந்துள்ளனா்.

இந்த நிலையில், இளம்பெண்கள் தங்கியிருந்த அறைக்கு அண்மையில் சென்ற பொன்னம்பலம், அங்கிருந்த பெண்களுக்கு பாலியல் தொல்லை கொடுத்ததோடு, அவா்களை தாக்கியுள்ளாா்.

இது குறித்து அந்தப் பெண்கள் கொடுத்த புகாரின் பேரில், மணிமங்கலம் போலீஸாா் பொன்னம்பலத்தை கைது செய்து வன்கொடுமை தடுப்புச் சட்டம், பெண்களிடம் ஆபாசமாக பேசுதல் உள்ளிட்ட 3 பிரிவுகளின் கீழ் வழக்குப் பதிவு செய்து நீதிமன்றத்தில் ஆஜா்படுத்தி சிறையில் அடைத்தனா்.