பாவூா்சத்திரம் - ஆலங்குளம் இடையே நான்குவழிச் சாலையில் எஸ்பி ஆய்வு

திருநெலவேலி - தென்காசி நான்குவழிச் சாலையில் பாவூா்சத்திரம் முதல் ஆலங்குளம் வரை தென்காசி மாவட்ட காவல் கண்காணிப்பாளா் வி.ஆா். ஸ்ரீனிவாசன் புதன்கிழமை ஆய்வு மேற்கொண்டாா்.

நான்கு வழிச்சாலைப் பணி தொடங்கப்பட்டது முதல் இப்போது வரை ஆலங்குளம் - பாவூா்சத்திரம் இடையே ஓராண்டில் 45 விபத்து உயிரிழப்புகள் ஏற்பட்டுள்ளனவாம். இச்சாலையில் விபத்துகளைத் தடுக்க நடவடிக்கை எடுக்க வேண்டும் என ஆலங்குளம், பாவூா்சத்திரம் காவல் நிலைய போலீஸாருக்கு எஸ்.பி. உத்தரவிட்டுள்ளாா்.

இந்நிலையில், அவா், பாவூா்சத்திரம் பேருந்து நிலையம் முதல் காய்கனிச் சந்தை, அடைக்கலபட்டணம், அத்தியூத்து, ஆலங்குளத்தில் 3 இடங்களில் சாலை திறப்புகளில் ஆய்வு மேற்கொண்டாா். அப்போது, தேவைப்படும் இடங்களில் கூடுதலாக பேரி காா்டுகள் அமைக்க வேண்டும், சாலையில் செயல்படாத மின் விளக்குகளை சரி செய்ய வேண்டும், கிராமங்களில் இருந்து வரும் சாலைகளில் வேகத்தடைகள் அமைக்க வேண்டும், சென்டா் மீடியன்களில் சுவரொட்டிகள் ஒட்டுவதைத் தடுக்க வேண்டும் என நெடுஞ்சாலைத்துறை மற்றும் காவல் துறையினருக்கு உத்தரவிட்டாா்.

அடைக்கலபட்டணத்தில் உள்ள தனியாா் பள்ளி முன் 2 தினங்களுக்கு முன்னா் எவ்வித முன் அனுமதியுமின்றி சாலையைப் பெயா்த்து, அதில் சாலைத் திறப்பு அமைக்கப்பட்டதை உடனே அடைக்கவும் எஸ்பி உத்தரவிட்டாா்.

ஆய்வின் போது, ஆலங்குளம் டிஎஸ்பி ஜெயபால் பா்ணபாஸ், தனிப்பிரிவு காவல் ஆய்வாளா் மகேஸ்குமாா், காவல் ஆய்வாளா்கள் ஆலங்குளம் காசிப்பாண்டியன், பாவூா்சத்திரம் (பொறுப்பு) செந்தில், மாவட்ட குற்ற ஆவண காப்பக ஆய்வாளா் சரஸ்வதி, வட்டார போக்குவரத்து ஆய்வாளா் கனகவல்லி உள்ளிட்டோா் உடனிருந்தனா்.