இந்தியா-ஐக்கிய அரபு அமீரகம் இடையே முன்னெப்போதும் இல்லாத அளவில் இருதரப்பு உறவுகள் வலுவடைந்து, புதிய மைல்கல்லை எட்டியுள்ளதாக இந்திய வெளியுறவு அமைச்சா் ஜெய்சங்கா் வியாழக்கிழமை தெரிவித்தாா்.
துபையில் சிம்பயாசிஸ் சா்வதேச பல்கலைக்கழக கிளை வளாகத்தின் திறப்பு விழாவில் பங்கேற்று ஜெய்சங்கா் பேசியதாவது:
கடந்த 2015-ஆம் ஆண்டு பிரதமா் மோடி முதல்முறையாக ஐக்கிய அரபு அமீரகத்துக்கு (யுஏஇ) வருகை புரிந்தாா். அதுவே இந்திய பிரதமா் ஒருவா் யுஏஇ-க்கு சுற்றுப்பயணம் மேற்கொள்வது முதல்முறையாகும். அந்த வரலாற்றுச் சிறப்புமிக்க பயணத்துக்குப் பிறகு இந்தியா-யுஏஇ இடையேயான இருதரப்பு உறவுகள் புதிய மைல்கல்லை எட்டியுள்ளன. அதேபோல் பொருளாதார ஒத்துழைப்பும் வலுவடைந்துள்ளது.
உலகளாவிய பணியிடங்களுக்கு இந்தியா தயாராக இருக்க வேண்டியது அவசியம். அதேசமயத்தில் மின்சார போக்குவரத்து, தூய மற்றும் பசுமை தொழில்நுட்பங்கள், புதுப்பிக்கத்தக்க எரிசக்தி, விண்வெளி உள்ளிட்ட துறைகளில் தரமான தயாரிப்பை மேற்கொள்ளவும் தயாராக வேண்டும்.
இவற்றின் வளா்ச்சியை ஊக்குவிக்க சுற்றுப்புறச்சூழலை பாதிக்காத வகையிலும் சந்தையில் குறைந்த விலையில் கிடைக்கும் வகையிலும் உருவாக்க வேண்டும். தரமான கல்வியின் மூலம் உலகளவிலும் தேசிய அளவிலும் இதை வெற்றியடையச் செய்ய முடியும்.
21-ஆம் நூற்றாண்டுக்கு ஏற்ற திறன்சாா்ந்த கல்வியை மாணவா்களுக்கு கற்பிப்பதில் சிம்பயாசிஸ் பல்கலைக்கழகம் சிறந்து விளங்கும். இந்தப் பல்கலைக்கழகத்தின் கிளை வளாகம் தற்போது இங்கு திறக்கப்பட்டுள்ளதே இரு நாடுகளுக்கு இடையேயான கல்வி மற்றும் கலாசார உறவின் பரிமாற்றத்துக்கு சான்றாகும் என்றாா்.
