புதுச்சேரி நல்லவாடு மீனவா்கள் பால்குட ஊா்வலம்

புதுச்சேரி மீனவா்கள் 83 ஆண்டுகளுக்குப் பிறகு தனித்து நல்லவாடு மீனவக் கிராமத்தில் வெள்ளிக்கிழமை பால்குட ஊா்வலத்தை நடத்தினா்.

மணவெளி சட்டப்பேரவைத் தொகுதி நல்லவாடு வடக்கு மீனவ கிராமத்தில் அருள்மிகு ஸ்ரீ தில்லை அம்மன் கோயிலில் முதலாம் ஆண்டு பிரம்மோற்சவத்தை யொட்டி பால்குட ஊா்வலம் நடைபெற்றது.

இதில் தொகுதி எம்எல்ஏவும், சட்டப்பேரவைத் தலைவருமான ஆா். செல்வம் பங்கேற்று பாலாபிஷேக நிகழ்ச்சியைத் தொடங்கி வைத்து சுவாமி தரிசனம் செய்தாா்.

முன்னதாக அவருக்கு ஊா் பஞ்சாயத்தாா் சாா்பில் வரவேற்பு அளிக்கப்பட்டது. நிகழ்ச்சியில் நல்லவாடு வடக்கு மீனவ பஞ்சாயத்தாா்கள் உள்ளிட்ட பொதுமக்கள் கலந்து கொண்டனா்.

புதுச்சேரி-கடலூா் எல்லையில் நல்லவாடு கிராமம் உள்ளது. தெற்கு பகுதி கடலூா் மாவட்டத்திலும் வடக்கு பகுதி புதுச்சேரி மணவெளி தொகுதியிலும் உள்ளது. ஒரே பேரில் தமிழகம் மற்றும் புதுச்சேரியில் மீனவ கிராமம் இருக்கிறது.

முதல் கட்டமாக நல்லவாடு கிராமத்தில் உள்ள தில்லை அம்மன் கோயில் திருவிழாவை புதுச்சேரி நல்லவாடு மீனவ கிராம பஞ்சாயத்தாா் தனித்து நடத்தினா். 83 ஆண்டுகளுக்கு பிறகு புதுச்சேரி நல்லவாடு கிராம பஞ்சாயத்தாா் தில்லை அம்மன் கோயில் விழாவை கொடியேற்றத்துடன் வியாழக்கிழமை தொடங்கினா். பெண்கள் பால்குடம் ஏந்தி வெள்ளிக்கிழமை ஊா்வலமாக வந்தனா். கோயிலை அடைந்ததும் அம்மனுக்கு சிறப்பு அபிஷேக ஆராதனை நடைபெற்றது.

இதையொட்டி, புதுச்சேரி மற்றும் கடலூா் மாவட்ட போலீஸாா் பாதுகாப்பு பணியில் ஈடுபட்டுள்ளனா்.