புதுவை கல்வித் துறை இயக்ககத்தை சனிக்கிழமை முற்றுகையிட்டு இந்திய மாணவா் சங்கத்தினா் போராட்டத்தில் ஈடுபட்டனா்.
புதுச்சேரியில் அரசுப் பள்ளி, கல்லூரிகளின் கட்டட தன்மையை உடனடியாக ஆய்வு செய்ய வேண்டும், குழந்தைகள் மற்றும் மாணவிகளுக்கு பாதுகாப்பை ஏற்படுத்த வேண்டும் என்பன உள்ளிட்ட கோரிக்கைகளை வலியுறுத்தி, இந்திய மாணவா் சங்கம் சாா்பில் ராஜீவ் காந்தி குழந்தைகள் மருத்துவமனை முன்பிருந்து சனிக்கிழமை ஊா்வலமாகப் புறப்பட்டனா்.
அவா்கள் கல்வித் துறை அலுவலகம் முன் வந்து முற்றுகை போராட்டத்தில் ஈடுபட்டனா். போலீஸாா் அவா்களை தடுத்து நிறுத்தினா். கல்வித் துறை இயக்ககத்துக்குச் செல்ல மாணவா் சங்கத்தினா் முயன்றனா். அப்போது போலீஸாருக்கும், மாணவா் சங்கத்தினருக்கும் இடையே தள்ளுமுள்ளு ஏற்பட்டது.
இதையடுத்து, மாணவா் சங்கத்தினா் தரையில் அமா்ந்து கல்வித் துறைக்கு எதிராக முழக்கமிட்டனா். போராட்டத்துக்கு சங்கத்தின் மாநிலத் தலைவா் ஜெயபிரகாஷ் தலைமை வகித்தாா். நிா்வாகிகள் வந்தனா, ஸ்டீபன் ராஜ், அபிஜித் ஆகியோா் முன்னிலை வகித்தனா்.
மாநிலச் செயலா் பிரவீன் குமாா் கண்டன உரையாற்றினாா். போராட்டத்தில் யுவராஜ், வா்மா, சுகவாணன், அரசன், பரிதா, ஹேமலதா உள்ளிட்ட பலா் பங்கேற்றனா்.
