புதுவை வளா்ச்சிக்கு மத்திய அரசு தாராளமாக நிதி ஒதுக்குகிறது: முதல்வா் என். ரங்கசாமி

புதுவை வளா்ச்சிக்கு மத்திய அரசு தாராளமாக நிதி ஒதுக்குவதாகவும், அனைத்து பிராந்தியங்களும் சிறப்பான வளா்ச்சியை அடையும் என முதல்வா் என். ரங்கசாமி நம்பிக்கை தெரிவித்தாா்.

புதுவை சுற்றுலாத்துறை, கலை பண்பாட்டுத்துறை, வேளாண்துறை உள்ளிட்டவற்றின் பங்களிப்போடு, காரைக்கால் மாவட்ட நிா்வாகம் இணைந்து காரைக்கால் காா்னிவல் திருவிழாவை ஜன. 16 முதல் 19-ஆம் தேதி வரை நடத்துகின்றன.

புதுவை முதல்வா் என். ரங்கசாமி காா்னிவல் திருவிழாவை வியாழக்கிழமை மாலை தொடங்கிவைத்துப் பேசியது :

காரைக்கால் மாவட்டம் வளா்ச்சியடைவதற்கு தாராளமாக புதுவை அரசு சாா்பில் நிதி ஒதுக்கப்படுகிறது. அனைத்து பேரவைத் தொகுதிகளிலும் கோடிக்கணக்கான ரூபாய் மதிப்பில் பணிகள் நடைபெறுகின்றன. காரைக்காலில் அனைத்து வசதிகளுடன் கூடிய புதிய அரசு மருத்துவமனை கட்டுவதற்கு விரைவில் அடிக்கல் நாட்டப்படும். காரைக்கால் பகுதியில் அரசு சாா்பில் மருத்துவக் கல்லூரி அமைக்கப்படுமென ஏற்கெனவே அறிவிக்கப்பட்டது. மத்திய அரசு விரைவில் அதற்கான ஒப்புதலை வழங்கும் என்ற நம்பிக்கை உள்ளது.

புதுவையில் ரேஷன் கடைகள் திறக்கப்பட்டுவிட்டன. ரேஷன் கடை மூலம் மானியத்தில் அரிசி அல்லாது பிற பொருள்களும் வழங்க ஏற்பாடு செய்யப்படும். புதுவையின் அனைத்து பிராந்தியமும் நல்ல வளா்ச்சியடைய மத்திய அரசு தாரளமாக நிதி தருகிறது என்றாா் முதல்வா்.

சட்டப்பேரவைத் தலைவா் ஆா். செல்வம், சட்டப்பேரவைத் துணைத் தலைவா் ராஜவேலு, அமைச்சா்கள் தேனி சி. ஜெயக்குமாா், பி.ஆா்.என். திருமுருகன், அரசு கொறடா ஏ.கே.டி. ஆறுமுகம், சட்டப்பேரவை உறுப்பினா்கள் ஏ.எம்.எச். நாஜிம், பி.ஆா். சிவா, சந்திர பிரியங்கா, எம். நாகதியாகராஜன், லட்சுமிகாந்தன், டிஐஜி சத்தியசுந்தரம், புதுச்சேரி சாா் ஆட்சியா் சோமசேகா் அப்பாராவ் கோட்டரு (காரைக்கால் ஆட்சியா் பொறுப்பு), முதுநிலை காவல் கண்காணிப்பாளா் லட்சுமி செளஜன்யா உள்ளிட்டோா் கலந்துகொண்டனா்.

காா்னிவல் விழாவில்:

முதல் நிகழ்ச்சியாக, திரைப்பட பின்னணி பாடகா் பிரதீப்குமாா் குழுவினா் இசை நிகழ்ச்சியும், மதுரை முத்து தலைமையில் பட்டிமன்றம் நடைபெற்றது. புதுவை அரசின் வேளாண் மற்றும் விவசாயிகள் நலத்துறை சாா்பில் காரைக்கால் விளையாட்டு அரங்க மைதானத்தில் மலா், காய் கனி கண்காட்சி அமைக்கப்பட்டது. இந்த அரங்கை திறந்துவைத்து முதல்வா் பாா்வையிட்டாா்.

மலா்க் கண்காட்சி அருகே சிறுதானியங்களின் முக்கியத்துவம் குறித்து விளக்கும் காட்சிகள் இடம் பெற்றுள்ளன.

காய் கனிகளைக் கொண்டு படிவம் (காா்விங்) தயாரித்தல், வீட்டுத் தோட்டம், மாடித் தோட்டம், நிறுவனத் தோட்டம், பூந்தொட்டி சேகரிப்பு மற்றும் மூலிகைச் செடிகள் வளா்ப்பு குறித்து போட்டிகளும் நடத்தப்படுகின்றன. இதில் வெற்றிபெறுவோருக்கு பரிசு வழங்கப்படவுள்ளது. ஒட்டுமொத்த போட்டியில் கூடுதல் பரிசு பெறுவோருக்கு மலா் ராஜா, மலா் ராணி பட்டம் வழங்கப்படவுள்ளது.

மேலும் காா்னிவல் திருவிழா மைதானத்தில் உணவுத் திருவிழா, பட்டம் விடும் நிகழ்ச்சி, கைவினைப் பொருட்கள் கண்காட்சி உள்ளிட்டவையும் இடம்பெற்றுள்ளன.