Siragadikka Aasai: ரோகிணியின் 'பல் வலி' நடிப்பைக் கண்டுபிடித்த முத்து; அடுத்து என்ன?

சிறகடிக்க ஆசை சீரியலில் நேற்றைய எபிசோடில் முத்து மீனாவிடம் ரோகிணி மீதிருக்கும் சந்தேகத்தைச் சொல்கிறார். ரோகிணி உண்மையில் மலேசியாவிலிருந்து வரவில்லை என்று உறுதியாகச் சொல்கிறார்.

முன்னதாக முத்துவின் காரில் வந்த இரண்டு பெரியவர்களை வீட்டிற்குக் கூப்பிட்டு விருந்து வைக்கிறார். அவர்கள் மலேசியாவிலிருந்து வந்தவர்கள் என்பதால் விஜயா ஆர்வமாக அவர்களிடம் பேசுகிறார். வந்திருப்பவர்கள் மலேசியாவிலிருந்து வந்தவர்கள் என்பதைத் தெரிந்து கொண்டு ரோகிணி பதற்றமாகிறார். ரோகிணியை விஜயா கூப்பிடுகையில் வெளியே வராமல் நீண்ட நேரம் யோசிக்கிறார். ஒரு வழியாகப் பல் வலி என்னும் நாடகத்தை அரங்கேற்றி மலேசியா விருந்தினர்களிடம் இருந்து தப்பிக்கிறார்.

மீனா, முத்துவுக்குச் சந்தேகம் வலுப்பெற்றுக் கொண்டே வருகிறது. மீனா சரியாகக் கண்டுபிடித்துவிட்டார். ``கொஞ்ச நேரம் முன்னாடிதான் தேங்காய கடிச்சு சாப்பிட்டாங்க, இப்ப எப்படிப் பேசவே முடியாத அளவுக்குப் பல் வலி வந்துச்சு” என்று முத்துவும் மீனாவும் யோசிக்கின்றனர். ரோகிணி மலேசியாவிலிருந்து வரவில்லை என முத்து உறுதியாகச் சொல்கிறார். ஆனால் அதை எப்படி நிரூபிப்பது என அவருக்குத் தெரியவில்லை. 

மற்றொருபுறம் ரோகிணியை ஸ்ருதி மருத்துவமனைக்கு அழைத்துச் சென்று டார்ச்சர் செய்கிறார். அவரிடமிருந்து தப்பிக்க முடியாமல் ரோகிணி தவிக்கிறார். ரோகிணிக்கு எதுவுமே இல்லை என மருத்துவர் சொல்வாரென்று எதிர்பார்த்துக் கொண்டிருக்கையில் சொத்தைப் பல் இருக்கிறது என மருத்துவர் சொல்கிறார். வற்புறுத்தலின் பேரில் பல் வலியே இல்லாத ரோகிணிக்குப் பல்லைப் பிடுங்குகிறார் மருத்துவர்.

இந்த சம்பவத்திற்குப் பிறகு ரோகிணிக்கு ஒன்று புரிந்திருக்கும். முத்துவை விட ஸ்ருதி ஆபத்தானவர், அவரிடம் கொஞ்சம் கவனமாக நடந்து கொள்ள வேண்டும் என ரோகிணி உணர்ந்திருப்பார். மனோஜ் காவல் நிலையத்தில் ஏமாற்று நபரைக் கண்டுபிடிக்கக் கோவிலில் இருக்கும் சிசிடிவியை எடுக்க உதவச் சொல்லிக் கேட்கிறார். ஆனால் போலீஸார் அவரைக் கண்டு கொள்ளவில்லை.

ரோகிணியைப் பற்றிய உண்மைகளைக் கொஞ்சம் கொஞ்சமாக முத்து கண்டுபிடிக்கிறார். இனி வரும் எபிசோடுகளில் ரோகிணி மொத்தமாக மாட்டிக்கொண்டாலும் ஆச்சரியப்படுவதற்கில்லை.

சினிமா விகடனின் பிரத்யேக Whatsapp க்ரூப்

https://chat.whatsapp.com/E0QlpeNbGHnF9W5rFKCVSU

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/E0QlpeNbGHnF9W5rFKCVSU