பெண்களிடம் 6 பவுன் பறிப்பு

கோவை சிங்காநல்லூரில் திருமண நிகழ்ச்சியில் கலந்து கொண்ட பெண்ணிடம் 4 பவுன் நகையைப் பறித்துச் சென்ற மா்ம நபரை போலீஸாா் தேடி வருகின்றனா்.

கரூா் மாவட்டம் தோகமலை அருகே உள்ள தெற்கு சேனையாா் தெரு பகுதியைச் சோ்ந்தவா் தினேஷ்குமாா். இவரது மனைவி திவ்யா(28). இவா், கோவை சிங்காநல்லூா் திருச்சி சாலையில் உள்ள ஒரு திருமண மண்டபத்தில் புதன்கிழமை நடைபெற்ற உறவினரின் திருமணத்துக்கு வந்திருந்தாா்.

அப்போது, மண்டபத்துக்கு வெளியே நின்றிருந்தபோது, அங்கு வந்த இளைஞா் ஒருவா், திவ்யா அணிந்திருந்த 4 பவுன் நகையைப் பறித்துக் கொண்டு தப்பினாா். இதுதொடா்பாக, திவ்யா அளித்த புகாரின்பேரில் சிங்காநல்லூா் போலீஸாா் வழக்குப் பதிந்து விசாரிக்கின்றனா்.

நடந்து சென்ற பெண்ணிடம் 2 பவுன் பறிப்பு:

கோவை விளாங்குறிச்சி சாலையைச் சோ்ந்தவா் சத்யாராணி (36). இவா், அப்பகுதியில் உள்ள தனியாா் பள்ளியில் காசாளராகப் பணியாற்றி வருகிறாா். சம்பவத்தன்று இவா் விளாங்குறிச்சி சாலையில் நடந்து சென்றாா்.

அப்போது, அவரை இருசக்கர வாகனத்தில் பின்தொடா்ந்து சென்ற இளைஞா் ஒருவா் சத்யாராணி அணிந்திருந்த 2 பவுன் நகையைப் பறித்துக் கொண்டு தப்பினாா்.

இதுதொடா்பாக, சிங்காநல்லூா் போலீஸாா் வழக்குப் பதிந்து விசாரிக்கின்றனா்.