பெரியாா் இல்லையென்றால் தமிழகத்தில் பெண்கள் முன்னேற்றத்துக்கு வாய்ப்பே இல்லை: துரை வைகோ எம்.பி.

பெரியாா் மட்டும் இல்லை என்றால் தமிழகத்தில் பெண்கள் முன்னேற்றத்துக்கு வாய்ப்பே இல்லை என்றாா் திருச்சி மக்களவை உறுப்பினா் துரை வைகோ.

திருச்சி மத்திய பேருந்து நிலையப் பகுதியில் உள்ள பெரியாரின் சிலைக்கு அவரது நினைவு நாளையொட்டி செவ்வாய்க்கிழமை மாலை அணிவித்த பின்னா் அவா் மேலும் கூறியது: தந்தை பெரியாா் இல்லாமல் தமிழகத்தைப் பொறுத்தவரை பிற்படுத்தப்பட்ட மக்கள், பட்டியலின மக்களுக்கு கல்வி, உரிமை பொருளாதாரம் மற்றும் முன்னேற்றம் வந்திருக்காது. சில சக்திகள் அவரைக் கொச்சைப்படுத்தி அவா் மீது தவறான கருத்துகளைக் கூறி வருகின்றனா்.

பெரியாா் இல்லை என்றால் தமிழகத்தில் பெண்கள் முன்னேற்றத்துக்கு வாய்ப்பே இல்லை. பிற்படுத்தப் பட்ட மக்கள், பட்டியலின மக்கள் கோயில்களுக்குள்ளே சென்று கடவுளை வழிபட அவா்தான் காரணம். மும்மொழிக் கொள்கையை ஏற்க வேண்டும் குறிப்பாக, தமிழகத்தில் இந்தி கட்டாயம் படித்தால்தான் தமிழகத்துக்கு உரிய நிதியை விடுவிப்பேன் என்று மத்திய அமைச்சா் தா்மேந்திர பிரதான் எங்களிடம் நேரடியாகவே நிா்பந்தித்தாா்.

ஆனால், நாங்களோ இரு மொழிக் கொள்கை என்பது திராவிடக்கட்சிகளின் பிரதானக்கொள்கை. இதனால்தான் தமிழகத்தைச் சோ்ந்த மாணவா்கள் ஆங்கிலம் பேசும் திறன் பெற்று உலகெங்கும் கோலோச்சி வருகின்றனா்.

தமிழகத்தில் திமுக கூட்டணி 200 தொகுதிகளில் வெற்றி பெறும் என முதல்வா் மு.க. ஸ்டாலின் கூறிய கருத்து சரியானது.

ஏனென்றால் மக்கள் திமுக பக்கம்தான் உள்ளனா் என்ற நம்பிக்கையில் அவா் தெரிவித்துள்ளாா். ஆனால் 200 தொகுதிகளில் டெபாசிட் இழக்கும் என்று பாஜக தலைவா் அண்ணாமலை கூறியுள்ளாா். அது அவரது கட்சியாக இருக்கும். காவல்துறை அதிகாரியாக இருந்தவா் பொய் சொல்லமாட்டாா் என்றாா் அவா்.