போபால் ஆலையின் 337 டன் நச்சுக் கழிவுகளை தாா் மாவட்டத்தில் அழிக்க எதிா்ப்பு தெரிவித்து, அருகே உள்ள இந்தூரில் வியாழக்கிழமை போராட்டம் நடைபெற்றது.
கடந்த 1984-ஆம் ஆண்டு போபாலில் யூனியன் காா்பைட் பூச்சிக்கொல்லி உற்பத்தி ஆலையில் இருந்து மெத்தில் ஐசோசயனேட் என்ற விஷவாயு கசிந்ததில் 5,479 போ் உயிரிழந்தனா். 5 லட்சத்துக்கும் மேற்பட்டோா் பாதிக்கப்பட்டனா்.
அந்த ஆலையில் கிடப்பில் போடப்பட்ட 337 டன் நச்சுக் கழிவுகளை அகற்ற 40 ஆண்டுகளுக்கு பிறகு உயா்நீதிமன்றம் உத்தரவிட்டது.
இந்தக் கழிவுகளை ஆலையில் இருந்து 250 கி.மீ. தொலைவில் இந்தூா் அருகே பீதம்பூா் பகுதியில் உள்ள கழிவுகள் எரிப்பு களத்துக்கு கண்டெய்னா்களில் கொண்டு சென்றபோது அப்பகுதி மக்கள் எதிா்ப்பு போராட்டத்தில் ஈடுபட்டனா்.
இதனால் மாநில அரசு இந்தத் திட்டத்தை தற்காலிகமாக நிறுத்தி நீதிமன்றத்தில் முறையிட்டது. எனினும், பாதுகாப்பு வழிகாட்டுதல்களை பின்பற்றி, 6 வாரங்களில் மாநில அரசு அழிக்க வேண்டும் என்று உயா்நீதிமன்றம் கடந்த திங்கள்கிழமை உத்தரவிட்டது. இதனால் பல்வேறு இடங்களில் மீண்டும் போராட்டம் தொடங்கி உள்ளது.
நச்சுக் கழிவுகள் எரிக்கப்படுவதால் தொழில் நகரமான இந்தூா் மக்களின் நலன் மற்றும் சுற்றுச்சூழல் பாதிக்கப்படும் என்று கூறி அப்பகுதியினா் வியாழக்கிழமை போராட்டம் நடத்தினா்.
இந்தூரில் இருந்து சுமாா் 30 கி.மீ. தொலைவில் உள்ள தாா் மாவட்டத்தில் உள்ள பீதம்பூரில் எரிக்கப்படும் கழிவுகளில் நச்சுத் தன்மை இல்லை என்றால் ஏன் அங்கேயே எரிக்கக் கூடாது என்றும் அந்தக் கழிவுகளை ராஜஸ்தானில் உள்ள போக்ரானுக்கு கொண்டு சென்று அழிக்க வேண்டும் என்றும் மத்திய பிரதேச காங்கிரஸ் தொழிற்சங்கத்தின் தலைவா் ஷியாம் சுந்தா் கூறினாா்.
பீதம்பூரில் கடந்த 2-ஆம் தேதி பீதம்பூரில் நடைபெற்ற போராட்டத்தின்போது இரண்டு போ் தீக் குளித்து, காயங்களுடன் உயிா் தப்பினா்.
