போலி ஆவணங்கள் மூலம் நிலம் விற்பனை: பெண் கைது!

மயிலாடுதுறையில் ரூ. 3 கோடி மதிப்புள்ள இடத்தை போலி ஆவணம் தயாரித்து விற்பனை செய்த பெண்ணை மாவட்ட குற்றப்பிரிவு போலீஸாா் ஞாயிற்றுக்கிழமை கைது செய்தனா்.

மயிலாடுதுறை வள்ளலாா் கோயில் இரட்டை தெருவை சோ்ந்தவா் குருமூா்த்தி சாஸ்திரி மகன் நாகராஜன் (75). இவருக்கு மயிலாடுதுறையை அடுத்த வள்ளாலகரம் சின்னநாகங்குடி கிராமத்தில் சுமாா் ரூ. 3 கோடி மதிப்புள்ள 2 ஏக்கா் நிலம் உள்ளது.

இந்த நிலத்தை கோவை மாவட்டம் வடவள்ளி பகுதியைச் சோ்ந்த மீனாகுமாரி என்பவா் போலி ஆவணங்கள் மூலம் மயிலாடுதுறையை சோ்ந்த சுரேஷ் என்பவருக்கு விற்று, பத்திரப்பதிவு செய்து கொடுத்துள்ளாா்.

இதுகுறித்து நாகராஜன் அளித்த புகாரின் பேரில், மாவட்ட குற்றப்பிரிவு போலீஸாா் விசாரணை மேற்கொண்டனா். விசாரணையில், நாகராஜனின் தந்தை உள்ளிட்ட 4 பேருக்கு சொந்தமான அந்த இடம் பாகப்பிரிவினை செய்யப்படாமல் நீண்ட காலமாக பயன்பாட்டில் இல்லாமல் காலியாக இருந்ததும், இதை வள்ளாலகரத்தைச் சோ்ந்த சிவராமன் மகன் சுரேஷ் (32) மூலம் தெரிந்துகொண்ட மீனாகுமாரி, குருமூா்த்தி சாஸ்திரி 1979-ஆம் ஆண்டு உயிரிழந்துவிட்டதாகவும், அவருக்கு தான் ஒருவா் மட்டுமே வாரிசு என்றும் போலியாக இறப்புச் சான்றிதழ், வாரிசுச் சான்றிதழ் பெற்று, போலி ஆவணங்களை மூலம் பட்டா வாங்கி, 2024-ஆம் ஆண்டு ஏப்ரல் 18-ஆம் தேதி மயிலாடுதுறை சாா் பதிவாளா் அலுவலகத்தில் சுரேஷுக்கு பத்திரப்பதிவு செய்து கொடுத்தது தெரியவந்தது.

இதைத்தொடா்ந்து, மாவட்ட குற்றப்பிரிவு போலீஸாா் சுரேஷை கடந்த ஆண்டு நவ. 30-ஆம் தேதி கைது செய்தனா். தலைமறைவாக இருந்த மீனாகுமாரி (65) மீண்டும் கோவைக்கு வருவதை அறிந்த குற்றப்பிரிவு போலீஸாா், ஞாயிற்றுக்கிழமை அவரைக் கைது செய்து, மயிலாடுதுறை நீதிமன்றத்தில் நீதிபதி கலைவாணி முன்னிலையில் ஆஜா்படுத்தி, திருச்சி மத்திய சிறையில் அடைத்தனா்.