போலி இறப்பு, வாரிசு சான்றிதழ் தயாரிப்பவா் மீது நடவடிக்கை எடுக்க வலியுறுத்தல்

கோவில்பட்டி வட்டத்தில் போலியாக இறப்பு மற்றும் வாரிசு சான்றிதழ் தயாரிப்பவா் மீது நடவடிக்கை எடுக்க வலியுறுத்தப்பட்டுள்ளது.

இதுகுறித்து,புரட்சி பாரதம் கட்சியின் மாவட்டச் செயலா் லெனின் தலைமையில் கோவில்பட்டி வட்டாட்சியா் சரவணப் பெருமாளிடம் அளித்த மனு: கோவில்பட்டி வட்டம், ஆலம்பட்டி கிராமத்தில் போலியாக இறப்பு சான்றிதழ் மற்றும் வாரிசு சான்று தயாரித்து பட்டா மாற்றம் செய்ய முயற்சி செய்து வரும் சமூக விரோதிகளை கண்டறிந்து உரிய நடவடிக்கை எடுக்க வேண்டும் என மனுவில் கூறப்பட்டுள்ளது.

இதில், கோவில்பட்டி நகர துணைச் செயலா் ஜெயபிரகாஷ், நகர பொருளாளா் சண்முகநாதன், ஒன்றியச் செயலா்கள் மாரிச்சாமி, செல்வக்குமாா் உள்ளிட்டோா் கலந்து கொண்டனா்.