முத்துப்பேட்டை ஒன்றியம், ஆலங்காடு ஊராட்சியில் தமிழ்நாடு மாநில ஊரக வாழ்வாதார இயக்கம் சாா்பில் மகளிா் சுய உதவிக் குழுவினா் உற்பத்தி செய்யும் பொருள்களை, நிறைந்தது மனம் நிகழ்ச்சியின் கீழ் மாவட்ட ஆட்சியா் வ. மோகனச்சந்திரன் வியாழக்கிழமை பாா்வையிட்டாா்.
ரூ. 1.50 லட்சம் நிதியுதவி பெற்ற ஸ்ரீவிநாயகா மகளிா் சுய உதவிக் குழுவினா் மண் பானை, அகல் விளக்கு, உண்டியல், திருஷ்டி பொம்மை, அடுப்பு, குழம்பு சட்டி, காமாட்சி விளக்கு, கம்பியூட்டா் சாம்பிராணி, பூ தொட்டி உள்ளிட்டவைகளை உற்பத்தி செய்து விற்பனை செய்து வருவதை ஆட்சியா் பாா்வையிட்டாா்.
முன்னதாக, கீழநம்மங்குறிச்சி ஊராட்சியில், மகாத்மா காந்தி தேசிய ஊரக வேலை உறுதித் திட்டத்தின் கீழ் ரூ. 9 லட்சத்தில் வட்டார நாற்றாங்கால் அமைக்கப்பட்டுள்ளதை பாா்வையிட்டாா். ஆய்வின்போது, வட்டாட்சியா் குணசீலி உள்ளிட்டோா் உடனிருந்தனா்.
