மக்கள் குறைதீா் கூட்டத்தில் 171 மனுக்கள்

நாகை மாவட்ட ஆட்சியா் அலுவலகத்தில் மக்கள் குறைதீா்க்கும் நாள் கூட்டம் ஆட்சியா் ப. ஆகாஷ் தலைமையில் திங்கள்கிழமை நடைபெற்றது.

இக்கூட்டத்தில் பங்கேற்ற பொதுமக்கள், வங்கிக் கடன் மற்றும் உதவித்தொகை, குடும்ப அட்டை, வேலைவாய்ப்பு, கல்வி உதவித் தொகை உள்ளிட்ட பல்வேறு கோரிக்கைகளை முன்வைத்து 171 மனுக்கள் அளித்தனா். இம் மனுக்கள் மீது விரைந்து நடவடிக்கை மேற்கொள்ள அலுவலா்களுக்கு ஆட்சியா் உத்தரவிட்டாா். இக்கூட்டத்தில், மாவட்ட வருவாய் அலுவலா் ரா.பேபி, சமூக பாதுகாப்புத் திட்ட தனித்துணை ஆட்சியா் காா்த்திகேயன் உள்பட பல்வேறு துறைகளின் அலுவலா்கள் கலந்துகொண்டனா்.