மது பாட்டில் விற்ற பெண் கைது

புத்தாகரம் அருகே மது பாட்டில்கள் விற்ற பெண் கைது செய்யப்பட்டாா்.

நாட்டறம்பள்ளி வட்டம், புத்தாகரம் பகுதியில் வீட்டில் வைத்து டாஸ்மாக் மது பாட்டில்கள் விற்பனை செய்வதாக கந்திலி போலீஸாருக்கு ரகசிய தகவல் கிடைத்தது.

அதன்பேரில் போலீஸாா் அங்கு சென்று விசாரணை செய்தபோது, ரவி மனைவி அற்புதம் (60) என்பவா் டாஸ்மாக் மதுபாட்டில்களை கூடுதல் விலைக்கு விற்பனை செய்தது தெரிய வந்தது. அதையடுத்து போலீஸாா் அற்புதத்தை கைது செய்து அவரிடம் இருந்து 24 மது பாட்டில்களை பறிமுதல் செய்தனா்.