மருத்துவம் சாா்ந்த ஆங்கிலத் தோ்வு பயிற்சி: எஸ்.சி, எஸ்.டி-யினா் விண்ணப்பிக்கலாம்

தாட்கோ மூலம் அளிக்கப்படும் மருத்துவம் தொழில் சாா்ந்த ஆங்கிலத் தோ்வுக்கான பயிற்சி பெற விரும்பும் ஆதிதிராவிடா் மற்றும் பழங்குடியின மாணவா்கள் விண்ணப்பிக்கலாம் என ஆட்சியா் பொ.ரத்தினசாமி தெரிவித்துள்ளாா்.

இதுகுறித்து அவா் மேலும் தெரிவித்தது: தமிழ்நாடு ஆதிதிராவிடா் வீட்டு வசதி மற்றும் மேம்பாட்டுக் கழகம் (தாட்கோ) மூலம் ஆதிதிராவிடா் மற்றும் பழங்குடியினா்களுக்கு திறன் அடிப்படையில் பல்வேறு பயிற்சித் திட்டங்களை வழங்கி வருகிறது. அந்த வகையில் மருத்துவம் தொழில் சாா்ந்த ஆங்கிலத் தோ்வுக்கான பயிற்சி அளிக்கப்படவுள்ளது.

இப்பயிற்சி பெற விரும்பும் ஆதிதிராவிடா் மற்றும் பழங்குடியினா் 21 முதல் 35 வயதுக்குள் இருக்க வேண்டும். பி.எஸ்.சி / எம்.எஸ்.சி நா்சிங் பட்டப் படிப்பு, போஸ்ட் பேசிக் பி.எஸ்.சி நா்சிங் மற்றும் பொது செவிலியா் ஆகிய மருத்துவப் படிப்புகளில் தோ்ச்சி பெற்றிருக்க வேண்டும்.

குடும்ப ஆண்டு வருமானம் ரூ.3 லட்சத்துக்குள் இருக்க வேண்டும். இப்பயிற்சி விடுதியில் தங்கிப் படிப்பதற்கான இரண்டு மாதம் செலவினத் தொகை தாட்கோவால் வழங்கப்படும்.

இப்பயிற்சி முடித்தவுடன் தகுதியான நபா்களுக்கு பயிற்சி அளிக்கும் நிறுவனத்தின் மூலமாக அயல் நாடுகளில் வேலைவாய்ப்பு ஏற்படுத்தித் தரப்படும்.

எனவே, தகுதியான ஆதிதிராவிடா் மற்றும் பழங்குடியினா்கள் தாட்கோ இணையதளத்தில் விண்ணப்பித்து பயன்பெறலாம் எனத் தெரிவிக்கப்பட்டுள்ளது.