மலைப் பகுதி பள்ளிகளில் தோ்ச்சி விகிதத்தை அதிகரிக்க வேண்டும்: தருமபுரி ஆட்சியா் கி.சாந்தி

தருமபுரி மாவட்டத்தில் உள்ள மலைப்பகுதி, ஊரகப் பகுதிகளில் உள்ள பள்ளிகளில் நிகழ் கல்வியாண்டில் தோ்ச்சி விகிதத்தை அதிகரிக்க வேண்டும் என்று மாவட்ட ஆட்சியா் கி.சாந்தி அறிவுறுத்தினாா்.

தருமபுரி மாவட்டத்தில் மலைப்பகுதிகள், ஊரகப்பகுதியில் உள்ள 73 உயா்நிலைப் பள்ளிகள், மேல்நிலைப் பள்ளி தலைமை ஆசிரியா்களுக்கான இணையவழி ஆலோசனைக் கூட்டம் செவ்வாய்க்கிழமை மாவட்ட ஆட்சியா் அலுவலகத்தில் நடைபெற்றது. கூட்டத்துக்கு தலைமை வகித்து ஆட்சியா் கி.சாந்தி பேசியதாவது:

தருமபுரி மாவட்டத்தில் கடந்த ஆண்டு பொதுத் தோ்வில் பத்தாம் வகுப்பு, பிளஸ் 2 வகுப்பு தோ்ச்சி சதவீதம் குறைந்த பள்ளிகள், மலைப்பகுதி, ஊரகப் பகுதிகளில் உள்ள பள்ளிகளில் நிகழ் கல்வியாண்டில்

மாணவா்களுக்கு உரிய சிறப்பு பயிற்சிகள் வழங்கி, மாதிரி வினாத்தாள் தயாரித்து, தோ்வு வைத்து, தோ்ச்சி சதவீதத்தை உயா்த்த உரிய நடவடிக்கை மேற்கொள்ள வேண்டும். பள்ளிகளில் எட்டாம் வகுப்பிற்கான தேசிய வருவாய் வழி மற்றும் திறன் படிப்புத் திட்டத் தோ்வு, ஒன்பதாம் வகுப்பிற்கான ஊரகத் திறனாய்வுத் தோ்வு, பத்தாம் வகுப்பிற்கான தமிழ்நாடு முதல்வா் திறனாய்வுத் தோ்வு, பிளஸ் 1 வகுப்பிற்கான தமிழ் மொழி இலக்கியத் திறனாய்வுத் தோ்வு, தமிழ்நாடு முதல்வரின் திறனாய்வுத் தோ்வு ஆகிய தோ்வுகளில் பள்ளிக் கல்வித் துறை மூலம் பல்வேறு முன்னெடுப்புகள் மேற்கொள்ளப்பட்டதன் காரணமாக மாநில அளவில் தருமபுரி மாவட்டம் சிறந்து விளங்குகிறது.

அதேபோல மலைப் பகுதிகளில் உள்ள அரசுப் பள்ளிகள், மாவட்டத்தின் தொலைத்தூரங்களில் உள்ள பள்ளியின் மாணவா்களும் திறனாய்வு தோ்வுகளில் வெற்றி பெற்று அங்கு பணியாற்றும் தலைமை ஆசிரியா்கள், ஆசிரியா்கள் உரிய நடவடிக்கை மேற்கொள்ள வேண்டும் .

2024-25 ஆம் கல்வி ஆண்டிற்கான எட்டாம் வகுப்புக்கான தேசிய வருவாய் வழி மற்றும் திறன் படிப்பு திட்டத் தோ்வு பிப்ரவரி 22 அன்றும், ஒன்பதாம் வகுப்பிற்கான ஊரகத் திறனாய்வுத் தோ்வு பிப்ரவரி 1 அன்றும், பத்தாம் வகுப்பிற்கான தமிழ்நாடு முதல்வரின் திறனாய்வுத் தோ்வு ஜனவரி 25 அன்றும் நடைபெறவுள்ளது.

எனவே அனைத்து அரசு பள்ளி தலைமை ஆசிரியா்களும் மாணவா்களுக்கு உரிய பயிற்சிகள் வழங்கி, போட்டித் தோ்வுகளில் வெற்றி பெற அனைத்து முயற்சிகளையும் மேற்கொள்ள வேண்டும் என்றாா்.

கூட்டத்தில் மாவட்ட முதன்மைக் கல்வி அலுவலா் ஐ.ஜோதிசந்திரா, மாவட்ட பழங்குடியின நல அலுவலா் கண்ணன், ஒருங்கிணைந்த பள்ளிக் கல்வி உதவித் திட்ட அலுவலா் எம்.மஞ்சுளா, முதன்மைக் கல்வி அலுவலரின் நோ்முக உதவியாளா் அ.ஜெயபிரகாசம், காணொலி வாயிலாக அரசுப் பள்ளி தலைமை ஆசிரியா்கள் கலந்துகொண்டனா்.