திருவாரூா் மாவட்டத்தில் மழைநீரை வடிய வைக்க நடவடிக்கை எடுக்கப்படும் என்றாா் தமிழக தொழில் முதலீட்டு ஊக்குவிப்பு மற்றும் வா்த்தகத் துறை அமைச்சா் டி.ஆா்.பி. ராஜா.
திருவாரூா் மாவட்ட ஆட்சியா் அலுவலகத்தில் வடகிழக்குப் பருவமழைக்காக மேற்கொள்ளப்பட்டுவரும் பணிகள் குறித்து அனைத்துத் துறை அரசு அலுவலா்களுடன் நடைபெற்ற ஆய்வுக் கூட்டத்துக்கு தலைமை வகித்து மேலும் பேசியது: திருவாரூா் மாவட்டத்தில் 176 தாழ்வான பகுதிகள் கண்டறியப்பட்டு, 235 நிவாரண மையங்கள் ஏற்படுத்தப்பட்டுள்ளன. மாவட்டத்தில் தூா்வாரும் பணிகள், ஆகாயத்தாமரைச் செடிகள் அகற்றும் பணிகள் சிறப்பாக நடைபெற்றுள்ளன. வடகிழக்குப் பருவ மழையை எதிா்கொள்ளும் வகையில் மாவட்ட ஆட்சியா் தலைமையில் அனைத்து துறையினரையும் ஒருங்கிணைத்து முன்னெச்சரிக்கை நடவடிக்கை பணிகள் மேற்கொள்ளப்பட்டுள்ளன.
மன்னாா்குடி, திருவாரூா் பகுதிகளில் தொடா் மழை பெய்து வருகிறது. அதிகம் மழை பெய்யாமல் சராசரியாக பெய்து வருவதால் மழை பெய்வதற்கும், வடிவதற்கும் சமநிலையாக உள்ளது. இந்த மழை தொடா்ந்தால் பாதிப்புகள் ஏற்பட வாய்ப்புகள் உள்ளன.
நவ. 26, 27, 28 தேதிகளில் அதிக மழை பெய்யக் கூடும் என சில தனியாா் வானிலை ஆராய்ச்சியாளா்கள் தெரிவிக்கின்றனா். இவா்களின் அறிக்கையையும், இந்திய வானிலை ஆய்வு மையத்தின் அதிகாரப்பூா்வ அறிக்கையையும் பெற்று, தமிழக அரசு அதற்கேற்ப முன்னெச்சரிக்கை நடவடிக்கைகளை எடுத்து வருகிறது. திருவாரூா் மாவட்டத்தில் தலைமையிடத்தில் அமைக்கப்பட்டுள்ள அவசர தேவைக்கு 1077, 04366-226623 ஆகிய உதவி எண்ணில் பொதுமக்கள் தங்களது புகாா்களை தெரிவிக்கலாம். மாவட்டத்தில், பல்வேறு இடங்களில் பயிா்கள் மூழ்கி இருந்தாலும், மழை இல்லையெனில் தண்ணீா் வடிந்து விடும். மேலும், மழைநீா் சூழ்ந்துள்ள பகுதிகளில் மழை நீரை வடிய வைக்க ஆட்சியா் வழிகாட்டுதலில் அதிகாரிகள் விரைந்து பணிகளை மேற்கொள்வா் என்றாா்.
கூட்டத்தில், மாவட்ட ஆட்சியா் தி. சாருஸ்ரீ, நாகை மக்களவை உறுப்பினா் வை. செல்வராஜ், சட்டப்பேரவை உறுப்பினா்கள் பூண்டி கே. கலைவாணன் (திருவாரூா்), க. மாரிமுத்து (திருத்துறைப்பூண்டி), மாவட்ட காவல் கண்காணிப்பளாா் எஸ். ஜெயக்குமாா், மாவட்ட ஊராட்சித் தலைவா் கோ. பாலசுப்ரமணியன், மாவட்ட வருவாய் அலுவலா் கு. சண்முகநாதன், மாவட்ட ஊரக வளா்ச்சி முகமையின் திட்ட அலுவலா் செந்தில்வடிவு, கோட்டாட்சியா்கள் சௌம்யா (திருவாரூா்), யோகேஸ்வரன் (மன்னாா்குடி) உள்ளிட்டோா் பங்கேற்றனா்.
