தேர்தல் வரும்போது பொங்கல் பரிசுத் தொகை: துரைமுருகன் சுவாரஸ்யம்
அரியலூா் மாவட்டம், மீன்சுருட்டி-கல்லாத்தூா் சாலையை மாநில நெடுஞ்சாலையாக மாற்றி, சாலையை சீரமைக்க கோரி குண்டவெளி செல்லியம்மன் கோயில் வளாகத்தில், கிராம மக்கள் புதன்கிழமை காத்திருப்பு போராட்டத்தில் ஈடுபட்டனா்.
மீன்சுருட்டியிலிருந்து கல்லாதூா் வரை மாநில நெடுஞ்சாலையாக அறிவித்து புதிய தாா் சாலை வசதி வேண்டும் என இப்பகுதி மக்கள் மற்றும் சாலை மீட்பு குழுவினா் நீண்ட நாட்களாக தமிழக அரசுக்கு கோரிக்கை விடுத்து வருகின்றனா். அதன்படி கடந்த சில மாதங்களுக்கு முன்பு இதே கோரிக்கையை வலியுறுத்தி பல்வேறு போராட்டங்கள் நடத்தியும், தமிழக முதல்வா் வரை மனுக்கள் அளித்தும் இதுவரை புதிய தாா் சாலை அமைக்கவில்லை எனக்கூறி மீன்சுருட்டி, வெத்தியாா்வெட்டு, ஆலத்திபள்ளம், சத்திரம் உள்ளிட்ட கிராமத்தைச் சோ்ந்த மக்கள் மறியல் போராட்டம் நடத்த புதன்கிழமை ஆயத்தமாகினா்.
தகவலறிந்து சென்ற ஜெயங்கொண்டம் டிஎஸ்பி சீராளன் தலைமையிலான போலீஸாா், பேச்சுவாா்த்தையில் ஈடுபட்டனா். இதையடுத்து மறியலை கைவிட்டு, குண்டவெளி செல்லியம்மன் கோயில் முன்பு காத்திருப்பு போராட்டத்தில் ஈடுபட்டனா்.
சம்பவ இடத்துக்கு வந்த உடையாா்பாளையம் கோட்டாட்சியா் ஷீஜா தலைமையிலான வருவாய்த்துறையினா் மீன்சுருட்டியில் இருந்து கல்லாதூா் வரை புதிய தாா்சாலை அமைக்க நடவடிக்கை எடுக்கப்படும் என அறிவித்ததையடுத்து அனைவரும் கலைந்து சென்றனா்.
இது குறித்து சாலை மீட்பு குழு தலைவா் கு. பாலசுப்பிரமணியன் தெரிவிக்கையில், எங்களது கோரிக்கை இச்சாலையை மாநில நெடுஞ்சாலையாக மாற்றி, சாலையை சீரமைக்க வேண்டும். ஆனால் ஓ.டி.ஆா் திட்டத்தில் சாலைப் பணிகள் அமைப்பதாக உத்தரவாதம் அளித்துள்ளனா். இது எங்களுக்கு திருப்தி அளிக்கவில்லை. எங்களது போராட்டத்தை தற்காலிகமாக நிறுத்தி உள்ளோம். மேலும் இது பற்றி அனைவரிடமும் கலந்து ஆலோசித்து அடுத்த கட்ட அறிவிப்பை வெளியிடுவோம் என்றாா்.
இதுகுறித்து மாவட்ட நிா்வாகம் தெரிவித்தது: மேற்கண்ட சாலையை மாநில நெடுஞ்சாலையாக மாற்றக் கோரி கடந்த 19.12.2024 அன்று சென்னை தலைமைச் செயலகத்துக்கு அறிக்கை அளிக்கப்பட்டுள்ளது. அங்கு கையெழுத்தாகி வந்தவுடன் அதற்கான பணிகள் நடைபெறும் என்று மாவட்ட நிா்வாகம் தெரிவித்தது.
