மும்மொழிக் கொள்கை: தேன் தடவிய வாா்த்தைகள் மூலம் ஹிந்தியை திணிக்க முயற்சி -ஜெ.முகம்மது ஷா நவாஸ் எம்எல்ஏ

மும்மொழிக் கொள்கை என்பது தேன் தடவிய வாா்த்தைகள் மூலம் ஹிந்தியை திணிக்கும் முயற்சி என்று நாகை எம்எல்ஏ ஜெ. முகம்மது ஷா நவாஸ் கூறினாா்.

சீா்காழியை அடுத்த திருமுல்லைவாசலில் பெண்கள் மதரஸா திறப்பு விழா சனிக்கிழமை நடைபெற்றது. இதில் பங்கேற்ற விடுதலைச் சிறுத்தைகள் கட்சியின் மாநில துணைப் பொதுச் செயலாளரும், நாகை எம்எல்ஏவுமான ஜெ. முகம்மது ஷா நவாஸ் செய்தியாளா்களிடம் கூறியது:

இந்திய அரசு 22 மொழிகளை அங்கீகரித்துள்ள நிலையில், ஹிந்தி, சம்ஸ்கிருத மொழிகளுக்கு மட்டும் மத்திய அரசு முன்னுரிமை அளிக்கிறது. தமிழகத்தில் அரசியல் கட்சித் தலைவா்கள் சிபிஎஸ்இ பள்ளி நடத்துகிறாா்கள் என கூறுவதன் மூலம் பாஜக மாநிலத் தலைவா் கே. அண்ணாமலை, மும்மொழி விவகாரத்தில், கொள்கை ரீதியான பிரச்னையை தனிநபா் பிரச்னையாக மாற்றுகிறாா்.

தமிழை தாய் மொழியாக கொண்டவா்களுக்கும், ஹிந்தியை தாய் மொழியாக கொண்டவா்களுக்கும் பொதுவான மொழிஆங்கிலம்.

முற்போக்கான மாநிலமாகவும், விழிப்புணா்வு கொண்ட மாநிலமாகவும் உள்ள தமிழகம் எப்படி ஏமாற முடியும்?. தேன் தடவிய வாா்த்தைகள் மூலம் மும்மொழிக் கொள்கையை சொன்னாலும், அது ஹிந்தியை திணிக்கும் முயற்சிதான் என்பதை புரிந்து கொண்ட தமிழ்நாடு ஏமாறாது என்றாா்.