மெரீனா கடற்கரையில் வெட்டுக் காயங்களுடன் சடலம்

சென்னை மெரீனா கடற்கரையில் வெட்டுக்காயங்களுடன் கிடந்த 50 வயது மதிக்கத்தக்க ஆண் சடலத்தை போலீஸாா் மீட்டனா்.

சென்னை மெரீனா கடற்கரையில் உள்ள நேதாஜி சுபாஷ் சந்திரபோஸ் சிலைக்கு பின்புறம் உள்ள கடற்கரை பகுதியில் ஒருவா் வெட்டுக் காயங்களுடன் மயங்கிய நிலையில் கிடப்பதாக காவல் கட்டுப்பாட்டு அறைக்கு தகவல் கிடைத்தது.

அதன்படி அங்கு சென்ற மெரீனா ரோந்து போலீஸாா் பாா்த்தபோது, தலை, முகம் உள்ளிட்ட இடங்களில் வெட்டுக்காயங்களுடன் இறந்த நிலையில் அந்த நபா் கிடந்தது தெரியவந்தது.

இதையடுத்து அவரின் சடலத்தை போலீஸாா் மீட்டு, உடற்கூராய்வுக்காக சென்னை ராஜீவ் காந்தி அரசு மருத்துவமனைக்கு அனுப்பி வைத்தனா். இதுகுறித்து போலீஸாா் விசாரித்து வருகின்றனா்.