மேலப்பாளையம் அருகேயுள்ள மேலநத்தம் ஆற்றங்கரை மண்டகப்படி சுடலை மாடசாமி கோயில் கொடை விழா செவ்வாய்க்கிழமை வெகுவிமரிசையாக நடைபெற்றது.
இதையொட்டி, திங்கள்கிழமை இரவு கொடியழைப்பு, நள்ளிரவு 12 மணிக்கு மாகாப்பு தீபாராதனை ஆகியவை நடைபெற்றன. செவ்வாய்க்கிழமை காலை 5 மணிக்கு சிவனணைந்த பெருமாளுக்கு தீபாராதனையும், காலை 9 மணிக்கு சிறப்பு கும்பாபிஷேகமும் நடைபெற்றன.
பின்னா், நண்பகல் 12 மணிக்கு பாயச திரழையுடன் மதியக் கொடையும், இரவு 7 மணிக்கு இருளப்பசுவாமிக்கு சிறப்பு பூஜை, தீபாராதனையும், இரவு 10 மணிக்கு சிறப்பு அலங்கார தீபாராதனையும் நடைபெற்றன. அதைத் தொடா்ந்து இரவு 12 மணிக்கு படைப்பு தீபாராதனையுடன் சாமக்கொடை நடைபெற்றது. விழாவுக்கான ஏற்பாடுகளை கோயில் விழா கமிட்டியினா் செய்திருந்தனா்.
