யுஜிசி வரைவு விதிகள்! பொய்களைப் பரப்பும் காங்கிரஸ்: மத்திய கல்வி அமைச்சா் தா்மேந்திர பிரதான்

‘பல்கலைக்கழகங்களில் துணைவேந்தா்கள் நியமனம் தொடா்பாக பல்கலைக்கழக மானியக் குழு (யுஜிசி) அண்மையில் வெளியிட்ட வரைவு விதிகள் தொடா்பாக காங்கிரஸ் கட்சி பொய்களைப் பரப்பி வருகிறது’ என்று மத்திய கல்வி அமைச்சா் தா்மேந்திர பிரதான் குற்றஞ்சாட்டினாா்.

யுஜிசி வெளியிட்ட வரைவு விதியில் பல்கலைக்கழக வேந்தராக செயல்படும் மாநில ஆளுநா்களுக்கு கூடுதல் அதிகாரம் அளிக்கும் வகையில் மாற்றங்கள் செய்யப்பட்டன. குறிப்பாக, பல்கலைக்கழக துணைவேந்தரை தெரிவு செய்வதற்கான தேடல் குழுவில் இடம்பெறும் உறுப்பினா்கள் நியமனத்தில் மாற்றம் செய்ப்பட்டுள்ளது.

இந்த தேடல் குழுவில் முன்னா், பல்கலைக்கழக வேந்தா் (ஆளுநா்) சாா்பில் பரிந்துரைக்கப்படும் பிரதிநிதி ஒருங்கிணைப்பாளராக செயல்படுவாா். அவரைத் தவிர, பல்கலைக்கழக ஆட்சிக் குழு (சிண்டிகேட்) பிரதிநிதியாக ஒருவரும், பேரவைக் குழு (செனட்) பிரதிநிதியாக மாநில அரசு சாா்பில் நியமிக்கப்படும் பிரதிநிதியும் இடம்பெறுவா்.

இந்த நடைமுறை வரைவு விதியில் மாற்றப்பட்டுள்ளது. அதாவது, தேடல் குழுவில் ஆளுநரின் பிரதிநிதி தலைவராக செயல்படுவாா் எனவும், அவரைத் தவிர பல்கலைக்கழக ஆட்சிக் குழு பிரதிநிதி ஒருவரும், யுஜிசி பிரதிநிதி ஒருவரும் இடம்பெறுவாா் எனக் குறிப்பிடப்பட்டுள்ளது. பேரவைக் குழு அல்லது மாநில அரசு பிரதிநிதி இடம்பெற வாய்ப்பில்லாத நிலை உருவாகியுள்ளது.

இதற்கு தமிழகத்தில் ஆளும் திமுக, காங்கிரஸ் உள்ளிட்ட எதிா்க்கட்சிகளும், அதிமுக உள்ளிட்ட கட்சிகளும் எதிா்ப்பு தெரிவித்துள்ளன. இதுகுறித்து கருத்து தெரிவித்த காங்கிரஸ் தலைவா் மல்லிகாா்ஜுன காா்கே, ‘யுஜிசி வரைவு விதி பல்கலைக்கழக துணைவேந்தா் நியமனத்தில் மாநில ஆளுநா்களுக்கு கடுதல் அதிகாரத்தை அளிக்கிறது. இது, மாநில உரிமைகள் மற்றும் கூட்டாட்சி நடைமுறை மீதான மிகப்பெரிய அடியாகும்’ என்றாா்.

இதற்கு பதிலளிக்கும் வகையில் தனது எக்ஸ் பக்கத்தில் திங்கள்கிழமை பதிவிட்ட மத்திய கல்வி அமைச்சா் தா்மேந்திர பிரதான், ‘பல்கலைக்கழக துணைவேந்தரை அதன் வேந்தராக இருக்கும் ஆளுநா் நியமிப்பது பழைய நடைமுறை. சுதந்திரத்துக்கு முன்பிருந்து பின்பற்றப்படும் நடைமுறை. யுஜிசி-யின் 2010, 2018 வழிகாட்டுதல்களும் இதைத்தான் கூறுகின்றன.

மேலும், யுஜிசி 2025 வரைவு வழிகாட்டுதலில் குறிப்பிடப்பட்டுள்ள தேடல் குழு நடைமுறை என்பது, யுஜிசி 2010 வழிகாட்டுதலில் குறிப்பிடப்பட்டுள்ள நடைமுைான். நாடு முன்னேற்றமடைவதையும், இளைஞா்கள் தரமான கல்வி பெறுவதும் காங்கிரஸால் ஒருபோதும் ஏற்றுக்கொள்ள முடியாது. எனவேதான், இந்த விவகாரத்தில் காங்கிரஸ் பொய்களைப் பரப்பி வருகிறது’ என்று குறிப்பிட்டுள்ளாா்.