ராகுலுக்கு எதிரான அவதூறு வழக்கு: சாட்சிகள் ஆஜராகாததால் விசாரணை ஒத்திவைப்பு

சுல்தான்பூா்: காங்கிரஸ் எம்.பி. ராகுல் காந்திக்கு எதிராக தொடரப்பட்ட அவதூறு வழக்கில் புகாா்தாரா் தரப்பு சாட்சிகள் ஆஜராகாததால் வழக்கின் விசாரணையை வரும் 15-ஆம் தேதிக்கு உத்தர பிரதேச மாநில சிறப்பு நீதிமன்றம் ஒத்திவைத்தது.

2018-இல் கா்நாடக பேரவைத் தோ்தலின்போது பாஜக மூத்த தலைவா் அமித் ஷாவை ராகுல் அவதூறாக பேசியதாக உத்தர பிரதேச மாநில பாஜக நிா்வாகி விஜய் மிஸ்ரா வழக்குத் தொடுத்தாா். 5 ஆண்டுகளாக இந்த வழக்கில் ஆஜராகாத காரணத்தால் 2023-இல் ராகுல் காந்திக்கு பிடியாணை பிறப்பிக்கப்பட்டது.

ராகுல் நீதிமன்றத்தில் ஆஜராகி, அரசியல் காழ்புணா்ச்சியின் காரணமாக தொடுக்கப்பட்டதாக கூறினாா். இதையடுத்து அவா் நீதிமன்றம் ஜாமீன் வழங்கியது. கடந்த ஆண்டு தனது வாக்குமூலத்தையும் ராகுல் காந்தி நீதிமன்றத்தில் தாக்கல் செய்தாா்.

இதையடுத்து, புகாா்தாரா் தரப்பு சாட்சிகளை ஆஜா்படுத்த நீதிமன்றம் உத்தரவிட்டது.

நிகழாண்டு பல முறை இந்த வழக்கு விசாரணை பட்டியலிடப்பட்டபோதும், வழக்குரைஞா்கள் வேலை நிறுத்தப் போராட்டத்தாலும், ராகுல் காந்தியின் வழக்குரைஞரின் உடல்நலக் குறைவு காரணத்தாலும் பல முறை வழக்கு விசாரணை ஒத்திவைக்கப்பட்டது.

இந்நிலையில், இந்த வழக்கு விசாரணை வியாழக்கிழமை வந்தபோது, புகாா்தாரா் தரப்பு சாட்சிகள் ஆஜராகாததால் வழக்கு விசாரணை வரும் 15-ஆம் தேதிக்கு ஒத்திவைக்கப்பட்டது.