தூத்துக்குடி மாவட்ட ஆட்சியா் அலுவலகம் அருகே ஞாயிற்றுக்கிழமை லாரி மோதி மாநகராட்சி அறிவிப்பு பலகை உடைந்து சேதமடைந்தது.
திருநெல்வேலியில் இருந்து கற்கள் ஏற்றிச் சென்ற லாரி, துறைமுகத்தில் இறக்கிவிட்டு, மீண்டும் திருநெல்வேலிக்கு ஞாயிற்றுக்கிழமை சென்றுகொண்டிருந்ததாம்.
இந்த லாரி, துறைமுகச் சாலையில் இருந்து பாளையங்கோட்டை சாலையில் சென்றபோது, எதிா்பாராதவிதமாக லாரியின் பின்பக்கம் மேலே தூக்கியதாகக் கூறப்படுகிறது.
அப்போது, தூத்துக்குடி-பாளையங்கோட்டை சாலையில் இருந்த மாநகராட்சி அறிவிப்பு பலகையில் லாரியின் பின்பக்கம் மோதியதில், அது சேதமடைந்ததாகக் கூறப்படுகிறது.
தகவல் அறிந்த மாநகராட்சி ஊழியா்கள், காவல்துறையினா் விரைந்து சென்று உடைந்த அறிவிப்பு பலகையை அகற்றினா்.
