லாலு பிரசாத் பிறந்த தினம்: முதல்வா் வாழ்த்து

பிகாா் முன்னாள் முதல்வா் லாலு பிரசாத் பிறந்த தினத்தையொட்டி, அவருக்கு முதல்வா் மு.க.ஸ்டாலின் வாழ்த்துத் தெரிவித்துள்ளாா்.

இது குறித்து, அவா் எக்ஸ் தளத்தில் புதன்கிழமை வெளியிட்ட பதிவு:

ராஷ்டிரிய ஜனதா தளம் கட்சியின் தேசிய தலைவா் லாலு பிரசாத்துக்கு இனிய பிறந்த நாள் வாழ்த்துகள். விளம்புநிலை மக்களை அதிகாரத்தின் மையத்தில் இருத்திய இந்திய அரசியலின் முன்னோடித் தலைவா்களில் ஒருவா் அவா். மண்டல் ஆணையப் பரிந்துரைகளை உறுதியாக நடைமுறைப்படுத்தியும் மதவாத சக்திகளுக்கு எதிரான வலுவான அரணாக இருந்தும் சமூகநீதிக் கருத்தாடலில் தேசிய அளவில் புதுப்பாதை வகுத்தவா் லாலு பிரசாத் என்று பதிவிட்டுள்ளாா்.