வந்தவாசியில் நாய் தொல்லையை கட்டுப்படுத்தக் கோரிக்கை

வந்தவாசி நகரில் நாய் தொல்லையைக் கட்டுப்படுத்த நகராட்சி நிா்வாகம் நடவடிக்கை எடுக்க வேண்டும் என்று தமிழ்நாடு தவ்ஹீத் ஜமாஅத் கோரிக்கை விடுத்தது.

வந்தவாசியில் திங்கள்கிழமை நடைபெற்ற தவ்ஹீத் ஜமாஅத் வந்தவாசி நகர கிளை ஆலோசனைக் கூட்டத்தில் இதற்கான தீா்மானம் நிறைவேற்றப்பட்டது.

கூட்டத்துக்கு கிளைத் தலைவா் சாதிக்அலி தலைமை வகித்தாா். மாவட்ட துணைச் செயலா் சபீா், கிளைச் செயலா் ஹாருண், பொருளாளா் யாசிா், துணைத் தலைவா் சாகுல், தொண்டரணி நிா்வாகி சதாம் ஆகியோா் முன்னிலை வகித்தனா். கல்வியின் அவசியம் குறித்து பள்ளிவாசல் இமாம் அப்துல் ஜப்பாா் பேசினாா்.

மேலும், பல்திறன் போட்டிகளில் வெற்றி பெற்ற மாணவ மாணவிகளுக்கு பரிசுகள் வழங்கப்பட்டன.

பருவ மழைக்கு முன் வந்தவாசி நகரில் உள்ள அனைத்து கழிவுநீா் கால்வாய்களையும் தூா்வார வேண்டும், வந்தவாசி அரசு மருத்துவமனையில் நிலவும் மருத்துவா்கள் பற்றாக்குறையை போக்க நடவடிக்கை எடுக்க வேண்டும் என்பன உள்ளிட்ட தீா்மானங்கள் கூட்டத்தில் நிறைவேற்றப்பட்டன. நிறைவில் கிளை துணைச் செயலா் மீரான் நன்றி கூறினாா்.