செய்யாறு அருகே விவசாயி அடித்துக் கொலை: உறவினா்கள் சாலை மறியல்

செய்யாறு அருகே விவசாயி அடித்துக் கொலைச் செய்யப்பட்ட சம்பவத்தில், குற்றவாளிகளை கைது செய்யக் கோரி, உறவினா்கள் செவ்வாய்க்கிழமை சாலை மறியலில் ஈடுபட்டனா்.

திருவண்ணாமலை மாவட்டம், வெம்பாக்கம் வட்டம், மாத்தூா் மங்கலபுரம் மாங்கால் கூட்டுச் சாலைப் பகுதியைச் சோ்ந்தவா் விவசாயி கன்னியப்பன்(47).

இவருக்குச் சொந்தமான நிலம் செய்யாறு சிப்காட் தொழில் வளாகம் பகுதியில் உள்ளது. அந்த நிலத்தில் சுமாா் 8 ஏக்கா் அளவுள்ள பகுதியை சிப்காட்டுக்காக கையகப்படுத்திய நிலையில், அதற்குண்டான தொகையையும் திருவண்ணாமலை நீதிமன்றம் மூலம் அவா் கணக்கில் செலுத்தியதாகத் தெரிகிறது.

மேலும், நிலம் கையகம்படுத்தியது தொடா்பாக சென்னை உயா்நீதிமன்றத்தில் வழக்கு நிலுவையில் இருந்து வருகிறது.

மீதமுள்ள நிலத்துக்கு மிக அருகிலேயே சிப்காட் சாா்பில் சாலை அமைக்கப்பட்டு வருகிறது.

அமைக்கப்பட்டு வரும் சாலையும் விவசாயின் நிலத்தை ஆக்கிரமித்துள்ளதாகக் கூறி தொடா்ந்து எதிா்ப்புத் தெரிவிக்கப்பட்டு வருகிாம்.

இந்த நிலையில், விவசாயி கன்னியப்பன் புதிதாக அமைக்கப்பட்டு வரும் சாலைக்கு அருகேயுள்ள கால்வாய் பகுதியில் திங்கள்கிழமை இரவு தலையில் பலத்த ரத்தக் காயங்களுடன் இறந்து கிடந்தாா்.

இதுகுறித்து அவரது மனைவி தூசி போலீஸில் புகாா் அளித்தாா்.

போலீஸாா் கன்னியப்பனின் சடலத்தைக் கைப்பற்றி, உடல்கூராய்வுக்காக அரசு மருத்துவமனைக்கு அனுப்பிவைத்தனா்.

சாலை மறியல், போக்குவரத்து பாதிப்பு:

இந்த நிலையில், விவசாயி கன்னியப்பன் மரணத்தில் சந்தேகம் இருப்பதாகவும், அதற்குக் காரணமானவா்களை கைது செய்ய வலியுறுத்தியும் உறவினா்கள் மற்றும் கிராம மக்கள், செய்யாறு - காஞ்சிபுரம் சாலையில் மாங்கால் கூட்டுச் சாலை அருகே செவ்வாய்க்கிழமை சாலை மறியலில் ஈடுபட்டனா்.

தகவல் அறிந்த மாவட்ட கூடுதல் காவல் கண்காணிப்பாளா் சிவனுபாண்டியன், செய்யாறு டி.எஸ்.பி. கோவிந்தசாமி, காவல் ஆய்வாளா்கள் ஜெகந்நாதன், பாலு, மங்கையரசி மற்றும் போலீஸாா் விரைந்து வந்து சாலை மறியலில் ஈடுபட்டவா்களிடம் பேச்சுவாா்த்தை நடத்தினா்.

இதைத் தொடா்ந்து, கொலைச் சம்பவம் தொடா்பாக நடவடிக்கை மேற்கொண்டு குற்றவாளிகளை கைது செய்வதாக

போலீஸாா் உறுதி அளித்தனா். இதையடுத்து, பொதுமக்கள் சாலை மறியலை கைவிட்டனா்.

மறியலால் அந்தப் பகுதியில் சுமாா் ஒரு மணி நேரம் போக்குவரத்து பாதிக்கப்பட்டது.