விதிமுறைகளை மாற்றியமைப்பது குறித்து மாநில அரசுகளிடம் யுஜிசி கலந்தாலோசிக்க வேண்டும்: கா்நாடக உயா்கல்வித் துறை அமைச்சா்

விதிமுறைகளை மாற்றியமைப்பது குறித்து மாநில அரசுகளிடம் யுஜிசி கலந்தாலோசிக்க வேண்டும் என கா்நாடக உயா்கல்வித் துறை அமைச்சா் எம்.சி.சுதாகா் தெரிவித்தாா்.

இதுகுறித்து மத்திய கல்வித் துறை அமைச்சா் தா்மேந்திர பிரதானுக்கு எழுதியுள்ள கடிதத்தில் அவா் கூறியுள்ளதாவது: யுஜிசி வரைவு விதிகளில் குறிப்பிட்டுள்ள சில விதிகளை எங்கள் அரசு கடுமையாக எதிா்க்கிறது. குறிப்பாக, பல்கலைக்கழக துணை வேந்தா்கள் நியமனம் தொடா்பான விதிகள் உயா் கல்வித் துறையின் அடிவேருக்கும், மாநில அரசின் அதிகாரத்துக்கும் மிகப்பெரிய அடியாகும்.

துணை வேந்தா்களின் தோ்வில் மாநில அரசுக்கு எவ்வித பங்களிப்பும் இல்லை. மாநில அரசின் பிரதிநிதி இல்லாமல், வேந்தா் நியமிக்கும் தெரிவு மற்றும் தோ்வுக்குழுவை அமைக்க வரைவு விதிகள் வழிவகை செய்துள்ளன. துணை வேந்தரை நியமிக்கும் முழு அதிகாரமும் வேந்தருக்கு வழங்கப்பட்டுள்ளது. துணை வேந்தா்களாக நியமிக்கப்படுவோா் கல்வியாளா்களாக இருக்க தேவையில்லை என்பது தீவிரமாக சிந்திக்கத்தக்கதாகும்.

இந்த விதிகளின்படி நியமிக்கப்படாவிட்டால், துணை வேந்தரின் நியமனம் செல்லாது என்று கூறப்பட்டுள்ளது. இது துணை வேந்தா்கள் நியமனம், பதவிக் காலத்தை வரையறுக்கும் சட்டங்களோடு முரண்படுவதாக அமையும்.

மாநிலத்தில் உயா்கல்வியை மேம்படுத்துவதில் மாநில அரசு முக்கியப் பங்காற்றி வருகிறது. உயா்கல்வி நிறுவனங்களில் தேசிய அளவிலான மாணவா் சோ்க்கை விகிதத்தைக் காட்டிலும், கா்நாடகத்தின் சோ்க்கை விகிதம் உயா்ந்துள்ளது. அரசு பல்கலைக்கழகங்களை நடத்துவதற்கான நிதி ஆதாரங்களை மாநில அரசுதான் வழங்கி வருகிறது.

வளா்ச்சி மானியம் தவிர, பல்கலைக்கழகத்தின் ஆசிரியா், ஆசிரியா் அல்லாத ஊழியா்களின் ஊதியம், ஓய்வூதியம் உள்ளிட்ட அனைத்து செலவினங்களையும் மாநில அரசே செய்து வருகிறது. தற்போதைய விதிகளை மாற்றியமைக்க முனையும்போது, மாணவா் சாா்ந்த சிக்கல்களுக்கு தீா்வுகாண்பது தொடா்பான விவகாரங்களை மாநில அரசுகளோடு யுஜிசி கலந்தாலோசிக்க வேண்டும்.

எனவே, வரைவு விதிகளை உடனடியாக திரும்பப் பெற யுஜிசிக்கு உத்தரவிட்டு, மாநில அரசுகளோடு விரிவாக விவாதிக்குமாறு அறிவுறுத்த மத்திய கல்வித் துறை அமைச்சரை கேட்டுக்கொள்கிறேன் என அக்கடிதத்தில் அவா் கூறியுள்ளாா்.