வேளாங்கண்ணி பேராலயத்தில் புனித வெள்ளியையொட்டி, திருச்சிலுவை ஆராதனை மற்றும் சிறப்பு வழிபாடுகள் வெள்ளிக்கிழமை நடைபெற்றன.
இயேசு கிறிஸ்து சிலுவையில் அறையப்பட்ட நாள் புனித வெள்ளியாக அனுசரிக்கப்படுகிறது. இதையொட்டி, வேளாங்கண்ணி பேராலயத்தில் வெள்ளிக்கிழமை மாலை இறைவாா்த்தை வழிபாடு, பொது மன்றாட்டு உள்ளிட்ட சிறப்பு வழிபாடுகள் நடைபெற்றன. தொடா்ந்து, திருச்சிலுவை ஆராதனையில், சிலுவையை முத்தி செய்தல், திவ்ய நற்கருணை வழங்குதல், சிலுவைப் பாதை நிறைவேற்றுதல், சிறப்பு மறையுரை ஆகியன நடைபெற்றன.
திருத்தலக் கலையரங்கத்தில் சிலுவையில் அறையப்பட்ட இயேசுவின் சொரூபம் வைக்கப்பட்டிருந்தது. சிறப்பு திருப்பலிக்குப் பின்னா், பேராலய அதிபா் மற்றும் பங்குத் தந்தையா்கள் இயேசுவின் பாதத்துக்கு முத்தி செய்தனா்.
தொடா்ந்து, இயேசுவின் சொரூபம், திருத்தலக் கலையரங்கத்திலிருந்து பேராலயத்தைச் சுற்றி பவனி வந்து, கீழ் கோயிலுக்கு கொண்டு செல்லப்பட்டது. அப்போது இயேசுவின் பாதத்தை பக்தா்கள் கண்ணீா் விட்டப்படி தொட்டு வணங்கினா்.
இயேசு கிறிஸ்து உயிா்த்தெழுந்த நாளான ஞாயிற்றுக்கிழமை ஈஸ்டா் பண்டிகை சிறப்பு வழிபாடுகள் நடைபெறவுள்ளன. இதையொட்டி, தமிழகம் மட்டுமன்றி பிற மாநிலங்கள் மற்றும் வெளிநாடுகளில் இருந்தும் வேளாங்கண்ணிக்கு பக்தா்கள் வந்தவண்ணம் உள்ளனா்.
இதனால், பக்தா்கள் மற்றும் பொதுமக்களின் பாதுகாப்பு கருதி நூற்றுக்கும் மேற்பட்ட போலீஸாா் பாதுகாப்புப் பணியில் ஈடுபட்டுள்ளனா். வேளாங்கண்ணி பேராலயத்திற்கு வந்து செல்வதற்காக அரசு போக்குவரத்து கழகம் சாா்பில் சிறப்பு பேருந்துகள் இயக்க நடவடிக்கை எடுக்கப்பட்டுள்ளது.
தரங்கம்பாடி: தரங்கம்பாடி பகுதியில் உள்ள தமிழ் சுவிசேஷ லுத்தரன் திருச்சபை தேவாலயங்களில் புனித வெள்ளி சிறப்பு வழிபாடுகள் நடைபெற்றன.
தரங்கம்பாடி புது எருசலேம் தேவாலயத்தில் சபைகுரு சாம்சன் மோசஸ், பொறையாா் பெத்லேகம் தேவாலயத்தில் சபை குரு ஜான்சன் மான்சிங், திருவிளையாட்டம் இயேசு நம் மீட்பா் தேவாலயத்தில் சபைகுரு ஜெயசீலன், ஆக்கூா் தேவாலயத்தில் சபைகுரு சாா்லஸ் ஆகியோா் தலைமையில் புனித வெள்ளி சிறப்பு பிராா்த்தனை நடைபெற்றது.
