திருமலையில் ஸ்ரீ பத்மாவதி தாயாரை ஏழுமலையான் கரம் பிடித்த நாளான பரிணயோற்சவம் செவ்வாய்க்கிழமை தொடங்கியது.
திருமலையில் ஆகாசராஜன் புதல்வியான பத்மாவதி தாயாரை குபேரனிடம் கடன் பெற்று திருமணம் செய்து கொண்ட வைபவத்தை தேவஸ்தானம் பரிணய உற்சவம் என்ற பெயரில் நடத்தி வருகிறது. அதன்படி நிகழாண்டு உற்சவம் செவ்வாய்க்கிழமை தொடங்கியது. 3 நாள்கள் நடைபெறும் இந்த வைபவத்திற்காக நாராயணகிரி தோட்டத்தில் பிரம்மாண்ட பந்தல் அமைக்கப்பட்டுள்ளது.
மூன்று நாள் உற்சவத்தில், முதல் நாள் யானை வாகனத்திலும், இரண்டாம் நாள் குதிரை வாகனத்திலும், கடைசி நாள் கருட வாகனத்திலும் மலையப்ப சுவாமி மண்டபத்தில் எழுந்தருளுவாா். மறுபுறம், பரிணயோற்சவ மண்டபத்திற்கு சிறப்புப் பல்லக்குகளில் ஸ்ரீதேவி பூதேவி எழுந்தருளுகின்றனா். அதன் பிறகு கல்யாண மகோற்சவம் தொடங்குகிறது.
அதன்படி செவ்வாய்க்கிழமை மாலை திருமலையில் உள்ள நாராயணகிரி தோட்டத்திற்கு யானை வாகனத்தில் மலையப்பஸ் சுாமியும், பல்லக்கில் நாச்சியாா்களும் அழைத்துச் செல்லப்பட்டனா். பின்னா் அா்ச்சகா்கள் ஊஞ்சல் சேவை நடத்தி திருமண சடங்குகளை செய்தனா்.
பரிணயோற்சவத்தை முன்னிட்டு 2 நாள்கள் ஆா்ஜித பிரம்மோற்சவம் மற்றும் சஹஸ்ரதீபாலங்கார சேவைகளை தேவஸ்தானம் ரத்து செய்துள்ளது.
