இந்திய ரூபாயின் மதிப்பு 8 காசுகள் உயர்ந்து ரூ.86.62 ஆக முடிவு!
இந்தியாவின் முன்னணி தகவல் தொழில்நுட்ப சேவை நிறுவனங்களில் ஒன்றான ஹெச்சிஎல் டெக்னாலஜிஸின் ஒருங்கிணைந்த நிகர லாபம் கடந்த டிசம்பா் காலாண்டில் ரூ.4,591 கோடியாக உயா்ந்துள்ளது.
இது குறித்து நிறுவனம் திங்கள்கிழமை வெளியிட்டுள்ள அறிக்கையில் குறிப்பிடப்பட்டுள்ளதாவது: கடந்த 2024 அக்டோபா் முதல் டிசம்பா் வரையிலான நடப்பு நிதியாண்டின் மூன்றாவது காலாண்டில் நிறுவனத்தின் ஒருங்கிணைந்த நிகர லாபம் ரூ.4,591 கோடியாக உள்ளது.
முந்தைய 2023-24-ஆம் நிதியாண்டின் இதே காலகட்டத்தோடு ஒப்பிடுகையில் இது 5.54 சதவீதம் அதிகம். அப்போது நிறுவனம் ரூ.4,350 கோடியை ஒருங்கிணைந்த நிகர லாபமாக ஈட்டியிருந்தது.
2023-24-ஆம் நிதியாண்டின் மூன்றாவது காலாண்டில் ரூ.28,446 கோடியாக இருந்த நிறுவனத்தின் செயல்பாட்டு வருவாய், நடப்பு நிதியாண்டின் அதே காலாண்டில் 5.07 சதவீதம் அதிகரித்து ரூ.29,890 கோடியாக உள்ளது என்று அந்த அறிக்கையில் குறிப்பிடப்பட்டுள்ளது.
