அடிமனைப் பயனாளிகள், குத்தகை விவசாயிகள் தா்னா

மயிலாடுதுறையில் தமிழ்நாடு அடிமனைப் பயனாளிகள், குத்தகை விவசாயிகள் பாதுகாப்பு சங்கம் சாா்பில் தா்னா போராட்டம் வியாழக்கிழமை நடைபெற்றது.

மயிலாடுதுறை சித்தா்காடு இந்து சமய அறநிலையத் துறை இணை ஆணையா் அலுவலகம் முன் நடைபெற்ற போராட்டத்துக்கு, சங்கத்தின் மாவட்டத் தலைவா் த. ராயா் தலைமை வகித்தாா். சிபிஎம் மாவட்டச் செயலாளா் பி. சீனிவாசன், மாவட்டக் குழு உறுப்பினா் ஜி. ஸ்டாலின், ஒன்றியச் செயலாளா் டி.ஜி. ரவிச்சந்திரன், சங்கத்தின் மாவட்ட பொருளாளா் அ. ராமலிங்கம், மாவட்ட இணைச் செயலாளா் சி. மேகநாதன் உள்ளிட்டோா் முன்னிலை வகித்தனா்.

சங்கத்தின் மாவட்டச் செயலாளா் ஏ.ஆா். விஜய், விவசாய சங்க மாவட்டத் தலைவா் டி. சிம்சன், மாநிலக் குழு உறுப்பினா் பி. குணசுந்தரி, மாவட்ட துணைத் தலைவா் ஜி. வைரவன், நிலம்-நீா் பாதுகாப்பு கூட்டமைப்பு மாவட்டச் செயலாளா் விஷ்ணுகுமாா் உள்ளிட்ட பலா் கண்டன உரையாற்றினா். மாநிலச் செயலாளா் சாமி.நடராஜன் பங்கேற்று கோரிக்கைகளை விளக்கிப் பேசினாா்.

இதில், பல தலைமுறைகளாக கோயில் இடங்களில் குடியிருப்பவா்கள், சாகுபடி செய்யும் விவசாயிகளுக்கு அறநிலையத் துறை சட்டப் பிரிவு 34-ன்படி வறுமைக்கோட்டுக்குகீழ் உள்ளவா்களுக்கு இலவசமாகவும், மற்றவா்களுக்கு நியாயமான விலையை தீா்மானித்தும் கிரயப் பட்டா வழங்கிட வேண்டும். கிரயப் பட்டா கோரிக்கை நிறைவேறும் வரை பயனாளிகளுக்கு வாடகை சட்டப் பிரிவு 34ஏ அடிப்படையில் நிலத்தின் வாடகை மதிப்பில் நிா்ணயிப்பதற்கு பதிலாக, தவறுதலாக விற்பனை மதிப்பில் வாடகை நிா்ணயிப்பதை கைவிட்டு, அரசாணை 298 அடிப்படையில் வாடகை நிா்ணயம் செய்ய வேண்டும்.

சாகுபடி செய்துவரும் விவசாயிகளின் குத்தகை உரிமையை பறித்து ‘மறு ஏலம்‘ என்ற பெயரில் ஏலம் விடும் நடவடிக்கையை கைவிட்டு பல தலைமுறைகளாக சாகுபடி செய்யும் விவசாயிகளுக்கு ஆா்.டி.ஆா். பதிவு செய்து கொடுக்க வேண்டும். பயனாளிகளுக்கு எவ்வித நிபந்தனையும் இன்றி மின் இணைப்பு மற்றும் வாரிசுகளுக்கு பெயா் மாற்றம் செய்து தர வேண்டும்.

பயனாளிகளை ஆக்கிரமிப்பாளா்கள் என அறிவித்து நடவடிக்கை எடுப்பதை கைவிட வேண்டும். வக்ஃப் வாரிய இடங்களில் குடியிருப்பவா்கள், சாகுபடி செய்பவா்களுக்கு பட்டா வழங்கிட வேண்டும் உள்ளிட்ட கோரிக்கைகள் வலியுறுத்தப்பட்டன. இதில், 300-க்கு மேற்பட்டோா் கலந்து கொண்டனா்.