அட்சய திருதியை: ரூ.12,000 கோடிக்கு தங்கம் விற்பனை

அட்சய திருதியையொட்டி, ரூ.12,000 கோடிக்கு தங்கம் விற்பனை செய்யப்பட்டதாக அனைத்திந்திய நகை கடை உரிமையாளா்கள் அமைப்பு தெரிவித்துள்ளது.

விலை கடுமையாக உயர்ந்திருந்தபோதும், இந்த அட்சய திருதியை நாளில் இந்தியாவில் தங்கம் மற்றும் வெள்ளியின் விற்பனை வழக்கம் போல அதிகரித்தே காணப்பட்டது.

இதுவரை இல்லாத அளவுக்கு தங்கம், வெள்ளி விலைகள் உயர்ந்து விற்பனையாகி வரும்போதிலும், ஒட்டுமொத்த வர்த்தகம் ரூ.16,000 கோடியாக மதிப்பிடப்பட்டுள்ளது. அகில இந்திய வர்த்தகர்கள் கூட்டமைப்பு (CAIT) தகவல்படி, அட்சய திருதியை நாளில் சுமார் ரூ12,000 கோடி மதிப்புள்ள தங்க நகைகள் மற்றும் தங்கப் பொருள்கள் விற்பனையாகியுள்ளன.