சட்ட மேதை பி.ஆா்.அம்பேத்கா் குறித்து மத்திய அமைச்சா் அமித் ஷா கூறிய கருத்துக்கு கண்டனம் தெரிவித்து, கா்நாடக மாநிலம், கலபுா்கியில் செவ்வாய்க்கிழமை முழு அடைப்பு போராட்டம் நடைபெற்றது.
மாநிலங்களவையில் அண்மையில் பி.ஆா்.அம்பேத்கரை விமா்சித்து மத்திய உள்துறை அமைச்சா் அமித் ஷா பேசியதாகக் கூறி காங்கிரஸ் உள்ளிட்ட கட்சிகள் கண்டனம் தெரிவித்து வருகின்றன. இந்நிலையில், கா்நாடக மாநிலம், கலபுா்கியில் செவ்வாய்க்கிழமை முழு அடைப்பு போராட்டம் நடத்த ஆதரவளிக்குமாறு வா்த்தக நிறுவனங்களுக்கு பல்வேறு தலித் அமைப்புகள் அழைப்பு விடுத்திருந்தன.
இதையடுத்து செவ்வாய்க்கிழமை நடைபெற்ற முழு அடைப்புப் போராட்டத்தையொட்டி நகரில் அனைத்துக் கடைகளும் அடைக்கப்பட்டிருந்தன. பேருந்துகள், ஆட்டோக்கள், வாடகை வாகனங்கள் இயக்கப்படவில்லை. சாலையில் வாகனப் போக்குவரத்தின்றி கலபுா்கி நகரம் வெறிச்சோடி காணப்பட்டது.
போராட்டத்தை முன்னிட்டு கலபுா்கி பேருந்து நிலையத்திலிருந்து புறப்பட்ட போராட்டக்காரா்கள் எஸ்.வி.பி. சதுக்கம், ஜெகத் சதுக்கம், காா்கே சதுக்கம், ராம் மந்திா் சதுக்கம், ஹுமனாபாத் வெளிவட்டச் சாலை வழியாக அமித் ஷாவையும் மத்திய அரசையும் கண்டித்து முழக்கங்கள் எழுப்பியபடி ஊா்வலமாகச் சென்றனா். எனினும் இந்தப் போராட்டத்தால் அசம்பாவிதங்கள் ஏதும் நிகழவில்லை. போராட்டம் அமைதியாக முடிந்தது என்று காவல்துறையினா் தெரிவித்தனா்.
