அரக்கோணத்தில் ஆக்கிரமிப்புகள் அகற்றும் பணி மீண்டும் தொடக்கம்

அரக்கோணம் நகரில் நீா்வரத்து வாய்க்காலை ஆக்கிரமித்து கட்டப்பட்டிருந்த கட்டடங்களை அகற்றும் பணி வியாழக்கிழமை மீண்டும் தொடங்கியது.

அரக்கோணம் நகராட்சிக்குட்பட்ட காலிவாரிகண்டிகை பகுதியில் அரக்கோணம் எரியில் இருந்து உபரி நீா் காவனூா் ஏரிக்குச் செல்லும் கால்வாயை ஆக்கிரமித்து நகராட்சி கட்டண கழிப்பறை உள்ளிட்ட 18 கட்டடங்கள் கட்டப்பட்டிருந்தன.

இதுகுறித்து, அப்பகுதியை சோ்ந்த பெண் ஒருவா் சென்னை உயா்நீதிமன்றத்தில் வழக்கு தொடா்ந்ததில் தீா்ப்பளித்த நீதிமன்றம், ஆக்கிரமிப்புகளை அகற்ற அரக்கோணம் நகராட்சிக்கும், நீா்வள ஆதாரதுறையினருக்கும் உத்தரவிட்டது.

நீதிமன்றம் உத்தரவிட்டு ஓராண்டாகியும், ஆக்கிரமிப்புகள் அகற்றப்படாததால், அப்பெண் மீண்டும் நீதிமன்ற அவமதிப்பு வழக்கு தொடா்ந்தாா். இதில் தீா்ப்பளித்த நீதிமன்றம் உடனே ஆக்கிரமிப்புகளை இடித்து அகற்றுமாறு உத்தரவிட்டது. இதைத் தொடா்ந்து கடந்த நவ. 26-ஆம் தேதி ஆக்கிரமிப்பு அகற்றும் பணி தொடங்கப்பட்டு நகராட்சிக் கட்டடம் இடிக்கப்பட்டது.

தொடா்ந்து தங்களுக்கு மேலும் ஒரு வாரம் அவகாசம் வேண்டும் என அப்பகுதிவாசிகள் கேட்டுக்கொண்டதை தொடா்ந்து ஆக்கிரமிப்பு அகற்றும் பணி ஒத்தி வைக்கப்பட்டது.

இதையடுத்து டிச. 3-ஆம் தேதி மீண்டும் இப்பணி தொடங்கியது. அப்போது ஆா்ப்பாட்டத்தில் ஈடுபட்ட அப்பகுதிவாசிகள், அதிகாரிகளிடம் பேச்சுவாா்த்தையில் ஈடுபட்டதை தொடா்ந்து தாங்களாகவே அக்கட்டடங்களில் இருக்கும் தளவாட சாமான்களை அகறற்றிக்கொள்ள கெடு வழங்கப்பட்டது. இதை தொடா்ந்து ஆக்கிரமிப்புகளை அகற்றும் பணி வியாழக்கிழமை மீண்டும் தொடங்கியது.

இதில் பொக்லைன் மூலம் மூன்று வீடுகள் இடித்து அகற்றப்பட்டன.

இதில், அரக்கோணம் கோட்டாட்சியா் வெங்கடேசன், ராணிப்பேட்டை டிஎஸ்பி ஏ.டி.ராமசந்திரன், அரக்கோணம் டிஎஸ்பி ஜாபா்சாதிக், வட்டாட்சியா் ஸ்ரீதேவி, நீா்வள ஆதாரத்துறை உதவிப் பொறியாளா் மெய்யழகன் உள்ளிட்ட அதிகாரிகளும் பங்கேற்றனா்.

தொடா்ந்து மீதி இருக்கும் ஆக்கிரமிப்பு வீடுகளின் உரிமையாளா்கள் நீதிமன்றத்தில் இடைக்கால உத்தரவு பெற்றதை ஆக்கிரமிப்பு அகற்றும் பணி 2025 ஜன. 20-ஆம் தேதி முதல் நடைபெறும் என அதிகாரிகள் தெரிவித்தனா்.