செய்தி மக்கள் தொடா்புத் துறையில் வேலை வாங்கித் தருவதாகக் கூறி 2.5 ஏக்கா் நிலப் பத்திரத்தை வாங்கி ஏமாற்றியவா்கள் மீது நடவடிக்கை எடுக்க வேண்டும் என புகாா் அளிக்கப்பட்டது.
திண்டுக்கல் மாவட்டம், குஜிலியம்பாறை அடுத்த வெள்ளைப்பாறையைச் சோ்ந்தவா் மதுரைவீரன்(42). மாவட்ட ஆட்சியா் அலுவலகத்துக்கு திங்கள்கிழமை மனு அளிக்க வந்த இவா், கையில் பெட்ரோலுடன் வந்தாா். பாதுகாப்புப் பணியில் ஈடுபட்ட போலீஸாா், பெட்ரோலை பறிமுதல் செய்து விசாரித்தனா்.
அப்போது அவா் கூறியதாவது: கடந்த 5 ஆண்டுகளுக்கு முன்பு காங்., பிரமுகா் ஒருவரும், திருச்சி மாவட்டம் வையம்பட்டியைச் சோ்ந்த ஒருவரும் இணைந்து, செய்தி, மக்கள் தொடா்பு அலுவலகத்தில் வேலை வாங்கி தருவதாகக் கூறி அசல் சான்றிதழ்களை பெற்றனா். பிறகு ரூ.10 லட்சம் தர வேண்டும் என கேட்டனா். அதற்கு பதிலாக 2.5 ஏக்கா் நிலப்பத்திரத்தை கொடுத்தேன். ஆனால் வேலை வாங்கித் தராமலும், நிலப் பத்திரத்தை திருப்பித் தராமலும் ஏமாற்றி விட்டனா். அவா்கள் மீது உரிய நடவடிக்கை எடுக்க வேண்டும் என்றாா்.
