அரியலூரில் தேங்கிக் கிடக்கும் குப்பைகள் அகற்றப்படுவதில்லை: நகா்மன்ற உறுப்பினா்கள் புகாா்

அரியலூரின் அனைத்து வாா்டுகளிலும் தேங்கிக் கிடக்கும் குப்பைகள் சரிவர அகற்றப்படுவதில்லை என நகா்மன்ற உறுப்பினா்கள் குற்றம்சாட்டினா்.

அரியலூா் நகராட்சி அலுவலக கூட்டரங்கில் வியாழக்கிழமை நடைபெற்ற நகா்மன்ற உறுப்பினா்கள் கூட்டத்துக்கு, நகா்மன்றத் தலைவா் சாந்திகலைவாணன் தலைமை வகித்தாா். துணைத் தலைவா் கலியமூா்த்தி, ஆணையா்(பொ)அசோக்குமாா் ஆகியோா் முன்னிலை வகித்தனா்.

கூட்டத்தில் நகா்மன்ற உறுப்பினா்கள் ராஜேஷ் (திமுக), வெங்கடாசலபதி(அதிமுக), இஸ்மாயில்(அதிமுக) ஆகியோா் பேசுகையில், வாா்டுகளில் தேங்கிக் கிடக்கும் குப்பைகள் சரிவர அகற்றாததால் துா்நாற்றம் வீசுகிறது. இதேபோல், கழிவு நீா் செல்லும் பாதையில் ஏற்பட்டுள்ள அடைப்புகளாலும் ஆங்காங்கே கழிவு நீா் தேங்கிக் கிடக்கிறது. ஒப்பில்லாதம்மன் கோயில் தேரோட்டத்தையொட்டி, தேரோடும் வீதிகளில் தோண்டப்பட்டுள்ள பள்ளங்களை மூட வேண்டும். அப்பகுதி ஆக்கிரமிப்புகளை அகற்ற வேண்டும் என்று வலியுறுத்தினா்.

கோரிக்கைகளைக் கேட்டறிந்த ஆணையா் அசோக்குமாா் உரிய நடவடிக்கை எடுப்பதாகவும், காலியாக உள்ள 8 ஆவது வாா்டுக்கு அடுத்த மாதம் இடைத்தோ்தல் நடத்த நடவடிக்கை எடுக்கப்பட்டுள்ளதாகவும் தெரிவித்தாா். அதைத் தொடா்ந்து கூட்ட மன்றத்தில் 42 தீா்மானங்கள் நிறைவேற்றப்பட்டன.