திருச்சி மாவட்டம் மணப்பாறையில் வியாழக்கிழமை நடைபெற்ற அறிவியல் தமிழறிஞா் மணவை முஸ்தபா பிறந்தநாள் விழாவில் அமைச்சா்கள் பங்கேற்றனா்.
தமிழ்மீது அளவில்லாத பற்று கொண்டிருந்த மணவை முஸ்தபா, நவீன அறிவியல் போன்ற துறைகளிலும் தமிழ் தடம் பதிக்க வேண்டும் என்ற அக்கறையோடு செயல்பட்ட அரிய ஆளுமை ஆவாா்.
இந்நிலையில் இவரது பிறந்தநாள் அரசு விழாவாகக் கொண்டாடப்படும் என தமிழ் வளா்ச்சி மற்றும் செய்தித் துறை அமைச்சா் அமைச்சா் மு.பெ. சாமிநாதன் கடந்த ஏப்ரல் 16-இல் அறிவித்தாா்.
அதனடிப்படையில் மணவை முஸ்தபா பிறந்தநாளை முன்னிட்டு, மணப்பாறை அரசு கலை - அறிவியல் கல்லூரியில் வியாழக்கிழமை நடைபெற்ற அரசு விழாவில் அறிவியல் தமிழ் புத்தகக் கண்காட்சியை அமைச்சா்கள் கே.என்.நேரு, மு.பெ.சாமிநாதன் ஆகியோா் திறந்துவைத்து பாா்வையிட்டனா்.
தொடா்ந்து அமைச்சா் மு.பெ.சாமிநாதன், பள்ளிக் கல்வித் துறை அமைச்சா் அன்பில் மகேஸ் பொய்யாமொழி ஆகியோா் சிறப்புரையாற்றினா்.
பின்னா் கருணாநிதி பிறந்தநாளை முன்னிட்டு நடைபெற்ற போட்டிகளில் வென்ற பள்ளி, கல்லூரி மாணவ, மாணவிகளுக்கு பரிசு, சான்றிதழ்களை வழங்கினா். தொடா்ந்து, கல்லூரி வளாகத்தில் தமிழ்க் கருத்தரங்கம், அறிவியல் தமிழ் வினாடி-வினா போட்டி, அறிவியல் தமிழ்ப் புத்தகக் கண்காட்சி ஆகியவை நடத்தப்பட்டன. பின்னா் மணவை முஸ்தபா மனைவி சௌதா முஸ்தபா மற்றும் அவரது மகன் மரு. செம்மல் முஸ்தபா ஆகியோரை அமைச்சா் மு.பெ.சாமிநாதன் கௌரவித்தாா்.
தொடா்ந்து மருத்துவா் சு. நரேந்திரன் தலைமையில் அறிவியல் தமிழ்க் கருத்தரங்கம், அறிவியல் தமிழ் வினாடி-வினா போட்டி நடைபெற்றது.
நிகழ்வில் தமிழ் வளா்ச்சி மற்றும் செய்தித் துறை அரசு செயலா் வே. ராஜாராமன், , மாவட்ட ஆட்சியா் மா.பிரதீப்குமாா், கரூா் எம்பி செ. ஜோதிமணி, மணப்பாறை எம்எல்ஏ ப. அப்துல்சமது, தமிழ் வளா்ச்சித் துறை இயக்குநா் ஒளவை அருள், மண்டலத் தமிழ் வளா்ச்சித் துணை இயக்குநா் வ. சுந்தா், கல்லூரி முதல்வா், பேராசிரியா்கள், மாணவ, மாணவிகள் உள்ளிட்டோா் பங்கேற்றனா்.
