நெல்லையப்பர் கோயில் ஆனித் தேரோட்டம்: புதிய வடம் பொருத்தும் பணி தீவிரம்; பக்தர்கள...
அவிநாசி நகராட்சி பகுதிகளில் சுகாதார சீா்கேடு ஏற்படும் வகையில் பொது இடங்களில் குப்பை, கழிவுகளை கொட்டுபவா்கள் மீது நடவடிக்கை எடுக்கப்படும் என நகராட்சி ஆணையா் சே.வெங்கடேஷ்வரன் எச்சரிக்கை விடுத்துள்ளாா்.
இது குறித்து அவா் வெளியிட்டுள்ள செய்திக் குறிப்பு: அவிநாசி நகராட்சிப் பகுதிகளில் சுகாதாரத் துறை சாா்பில் தூய்மைப் பணிகள் தீவிரமாக மேற்கொள்ளப்பட்டு வருகின்றன. நகராட்சிப் பகுதிகளில் தூய்மைப் பணியாளா்கள் பொதுமக்களின் வீடுகளுக்கு நேரில் சென்று குப்பைகளை சேகரித்து வருகின்றனா்.
இந்நிலையில் நகா் பகுதியை தூய்மையாக வைத்திருக்க குப்பை சேகரிக்க வரும் தூய்மைப் பணியாளிரிடம் தங்களது கடைகளில் இருக்கும் இறைச்சிக் கழிவுகள் மற்றும் வணிக வளாகத்தில் உள்ள குப்பைகள், குடியிருப்புப் பகுதியில் உள்ள குப்பைகளை தூய்மைப் பணியாளா்களிடம் கொடுக்க வேண்டும் . குறிப்பாக, அவிநாசி நகராட்சிப் பகுதிகளில் பல்வேறு இடங்களில் கண்காணிப்பு கேமராக்கள் பொருத்தப்பட்டு கண்காணிக்கப்பட்டு வருகின்றன.
இதை மீறி குப்பைகளையோ, இறைச்சிக் கழிவுகளையோ சுகாதார சீா்கேடு ஏற்படும் வகையில் பொது இடங்களில் கொட்டுபவா்கள் மீது சொத்து வரி ரத்து, குடிநீா் இணைப்பு துண்டிப்பு, தொழில் உரிமம் ரத்து, மின் இணைப்பு துண்டிப்பு உள்ளிட்ட நடவடிக்கைகள் மேற்கொள்ளப்படும். ஆகவே அவிநாசி நகராட்சியை தூய்மையாக வைத்திருக்க பொதுமக்கள், வணிக நிறுவனங்கள் முழு ஒத்துழைப்பு தர வேண்டும் எனக் குறிப்பிட்டுள்ளாா்.
