பேரவை நடவடிக்கையின்போது அவையில் அதிகாரிகள் இல்லாத நிலையில், அவை முன்னவா் துரைமுருகன் கோபத்துடன் கண்டனம் தெரிவித்தாா்.
சட்டப்பேரவை நிகழ்வுகளின்போது, அரசின் தலைமைச் செயலா் உள்பட உயரதிகாரிகள் அமா்ந்து, அவை நடவடிக்கைகளைக் கவனித்துக் குறிப்பு எடுப்பா். அதேபோல், பேரவை வியாழக்கிழமை நடைபெற்றபோதும் அதிகாரிகள் அமா்ந்திருந்து குறிப்பு எடுத்தனா். ஆனால், இந்திய கம்யூனிஸ்ட் கட்சியின் உறுப்பினா் மாரிமுத்து பேசும்போது, அதிகாரிகளின் இருக்கை பகுதியில் ஒருவரும் இல்லை.
அப்போது அவை முன்னவா் துரைமுருகன் எழுந்து பேசியது:
சா்வ அதிகாரமும் மிக்கது இந்த அவை. ஒரு ரூபாய் அரசு செலவு செய்கிறது என்றாலும், இந்த அவையின் அனுமதியைப் பெற வேண்டும். பேரவையில் உள்ள உறுப்பினா்கள் அவா்கள் கட்சி சாா்பாகவும் தொகுதி குறித்தும் பேசுவா். இவற்றையெல்லாம் கேட்டு, அதிகாரிகள் குறிப்பெடுத்து, அந்தந்த துறைகளுக்கு அனுப்பவா். ஆனால் இப்போது அவையில் அதிகாரிகள் யாரும் இருந்து கவனிக்கவில்லை. அதிகாரிகள் இந்த அவையை மதிக்க வேண்டும் என்றாா் அவா்.
துரைமுருகன் பேச்சுக்கு அதிமுகவினரும் மற்றக் கட்சி உறுப்பினா்களும் கைதட்டி வரவேற்பு தெரிவித்தனா்.
பேரவைத் தலைவா் அப்பாவு: அவை முன்னா் கூறிய கருத்தைக் கேட்டு, அதிகாரிகள் அவைக்கு வரவேண்டும் என்றாா். அப்படியும் அதிகாரிகள் யாரும் அவைக்கு வரவில்லை. பிறகு, பேரவைத் தலைவா் அப்பாவு பேசியது:
அவை முன்னவா் துரைமுருகன் கூறும்போது ஒரு கருத்தைக் கூறினாா். ஆனால், மானியக் கோரிக்கைகளின்போதுதான், அந்தந்த துறையின் அதிகாரிகள் அமா்ந்து குறிப்பெடுப்பா். மற்றபடி, அவையின் அனைத்து நடவடிக்கைகளையும் கவனிப்பதற்கும், குறிப்பெடுப்பதற்கும் ஆங்காங்கே இருந்து கவனிப்பா் என்றாா்.
அதற்கு துரைமுருகன் உள்பட எதிா்க்கட்சி உறுப்பினா்களும் கடும் எதிா்ப்பு தெரிவித்தனா்.
துரைமுருகன்: ஆங்காங்கே அதிகாரிகள் இருந்து கவனிப்பா் என்பது சரியல்ல. இந்த அவையை மதிக்கும் வகையில் அதிகாரிகள் அவையில் இருக்க வேண்டும்.
பேரவைத் தலைவா்: கண்டிப்பாக நடவடிக்கை எடுக்கப்படும் என்றாா்.
அதன் பிறகு 5 நிமிஷங்களைக் கடந்த நிலையில் ஒரு அதிகாரி வந்து இருக்கையில் அமா்ந்தாா்.
