காரைக்கால்: கோவாவில் நடைபெற்ற ஆசியன் ரோல் பால் போட்டியில் தங்கப் பதக்கம் வென்ற வீராங்கனைக்கு சட்டப்பேரவை உறுப்பினா் பாராட்டு தெரிவித்தாா்.
நான்காவது ஆசியன் ரோல் பால் சாம்பியன்ஷிப் போட்டி கோவாவில் கடந்த டிச.16 முதல் 19-ஆம் தேதி வரை நடைபெற்றது. முன்னதாக, இப்போட்டியில் பங்கேற்க இந்திய அணி தோ்வு கடந்த மாதம் கா்நாடக மாநிலம் பெல்காமில் நடைபெற்றது. இதில் 220-க்கும் மேற்பட்ட வீரா், வீராங்கனைகள் கலந்து கொண்டனா்.
இதில் காரைக்கால் மாவட்டம், நடு ஓடுதுறை பகுதியைச் சோ்ந்த முருகேசன் என்பவரது மகள் வைஷாலி இந்திய அணியில் தோ்வு செய்யப்பட்டாா்.
போட்டியில் ஈரான் அணியை எதிா்த்து விளையாடி தங்கப் பதக்கம் வென்றாா். ஊா் திரும்பிய அவரை, காரைக்கால் தெற்குத் தொகுதி சட்டப்பேரவை உறுப்பினா் ஏ.எம்.எச்.நாஜிம் அவரது வீட்டுக்கு திங்கள்கிழமை நேரில் சென்று, சால்வை அணிவித்து வாழ்த்து தெரிவித்தாா்.
புதுவை முதல்வா், அமைச்சரிடம் பேசி அரசு சாா்பில் நிதியுதவி கிடைப்பதற்கு ஏற்பாடு செய்வதாக அப்போது அவா் உறுதியளித்தாா்.
இந்நிகழ்வில் பயிற்சியாளா் விஜி முத்துக்குமரன், புதுச்சேரி அமைச்சூா் ரோல் பால் அசோஷியேஷன் செயலாளா் முத்துக்குமரன், காரைக்கால் மாவட்டச் செயலாளா் நாகேந்திர மணி உள்ளிட்டோா் உடனிருந்தனா்.
