ஆா்ஆா்டிஎஸ் வழித்தடத்தில் நமோ பாரத் ரயில்களில் 50 லட்சத்துக்கும் மேற்பட்டோா் பயணம்: என்சிஆா்டிசி

கடந்த அக்டோபா் 2023-இல் தில்லி - காஜியாபாத் - மீரட் ஆா்ஆா்டிஎஸ் ( தில்லி-மீரட் பிராந்திய விரைவுப் போக்குவரத்து அமைப்பு) வழித்தடத்தில் செயல்பாடுகள் தொடங்கியதிலிருந்து 50 லட்சத்துக்கும் (ஐந்து மில்லியன்) அதிகமான பயணிகள் நமோ பாரத் ரயில்களில் பயணம் செய்துள்ளனா் என்று தேசியத் தலைநகா் பிராந்திய போக்குவரத்துக் கழகம் (என்சிஆா்டிசி) தகவல்கள் தெரிவிக்கின்றன.

தரவுகளின்படி, காஜியாபாத் மற்றும் மீரட் தெற்கு நிலையங்களிலிருந்து நமோ பாரத் ரயில்களில் அதிக எண்ணிக்கையிலான பயணிகள் பயணம் செய்தனா் புதன்கிழமை வெளியிடப்பட்ட அறிக்கையில் தெரிவிக்கப்பட்டுள்ளது.

அந்த அறிக்கையில் மேலும் கூறப்பட்டுள்ளதாவது: தில்லி - காஜியாபாத் - மீரட் ஆா்ஆா்டிஎஸ் வழித்தடத்தின் 17 கி.மீ. முன்னுரிமைப் பிரிவு, சாஹிபாபாத் - துஹாய் டிப்போ கடந்த ஆண்டு அக்டோபா் 23 அன்று பிரதமா் நரேந்திர மோடியால் திறந்து வைக்கப்பட்டது.

அதைத் தொடா்ந்து, மாா்ச் 6 அன்று துஹாயில் இருந்து மோதி நகா் வடக்கு வரை கூடுதலாக 17 கி.மீ. பகுதிக்கு நமோ பாரத் ரயில் சேவைகள் நீட்டிக்கப்பட்டன. அதன் பிறகு, ஆகஸ்ட் 18 அன்று, மோதி நகா் வடக்கிலிருந்து மீரட் தெற்கு ஆா்ஆா்டிஎஸ் நிலையம் வரை கூடுதலாக எட்டு கி.மீ .நீளம் செயல்பாட்டுப் பிரிவுடன் இணைக்கப்பட்டது.

மீரட் இணைக்கப்பட்டவுடன், ஆா்ஆா்டிஎஸ் வழித்தடத்தில் நமோ பாரத் ரயில்களில் பயணிக்க பயணிகளின் ஆா்வம் அதிகரித்துள்ளது. ஆகஸ்ட் 19 அன்று, ரக்ஷா பந்தனின் போது நமோ பாரத் ரயில்களில் பயணிகளின் எண்ணிக்கை சாதனை படைத்தது. அன்றைய தினம் நமோ பாரத் ரயில்களில் சுமாா் 34,000 பயணிகள் பயணம் செய்தனா். சமீபத்தில், நமோ பாரத் ரயில்களைப் பயன்படுத்தும் மொத்த பயணிகளின் எண்ணிக்கை 50 லட்சத்தைத் தாண்டியுள்ளது.

சாஹிபாபாத்திலிருந்து மீரட் தெற்கு வரையிலான செயல்பாட்டுப் பிரிவின் மொத்த நீளம் 42 கி.மீ. ஆகும். இதில் ஒன்பது ஆா்ஆா்டிஎஸ் நிலையங்கள் உள்ளன. சாஹிபாபாத் மற்றும் மீரட் தெற்கு இடையேயான பயணத்தை பயணிகள் வெறும் 30 நிமிடங்களில் செல்ல முடியும்.

தற்போது, சாஹிபாபாத்தில் இருந்து தில்லிக்கு செல்லும் நமோ பாரத் ரயில்களின் சோதனை ஓட்டம் ஆனந்த் விஹாா் மற்றும் நியூ அசோக் நகா் நிலையங்களில் இறுதி கட்டத்தில் உள்ளது. ஆனந்த் விஹாா் என்பது ஒரு நிலத்தடி நிலையம் ஆகும். இது ஆா்ஆா்டிஎஸ் வழித்தடத்தில் செயல்படும் முதல் நிலத்தடி நிலையமாகும். விரைவில், நமோ பாரத் ரயில்கள் சாஹிபாபாத்தில் இருந்து நியூ அசோக் நகா் வரை இயங்கத் தொடங்கும். அப்போது, இதன் செயல்பாட்டு வழித்தட நீளம் 55 கி.மீ. ஆக அதிகரிக்கும்.

பயணிகளின் வசதிக்காக தேசியத் தலைநகா் பிராந்திய போக்குவரத்துக் கழகம் (என்சிஆா்டிசி) சமீபத்தில் ஒரு சலுகை திட்டத்தை தொடங்கியுள்ளது. இது கட்டணங்களில் 10 சதவீத தள்ளுபடியை வழங்குகிறது. இந்தத் திட்டத்தின் கீழ், பயணிகள் ததபந இா்ய்ய்ங்ஸ்ரீற் செயலி மூலம் ‘க்யூஆா்’ குறியீடு அடிப்படையிலான டிக்கெட்டுகளை வாங்குவதன் மூலம் சலுகை புள்ளிகளைப் பெறலாம்.