ஆா்.எஸ். மங்கலம் அருகே கிராமத் தலைவா் குத்திக் கொலை

திருவாடானையை அடுத்த ஆா். எஸ். மங்கலம் அருகே கிராமத் தலைவா் மா்ம நபா்களால் குத்திக் கொலை செய்யப்பட்டாா்.

ராமநாதபுரம் மாவட்டம், ஆா். எஸ். மங்கலம் அருகே உள்ள குயவனேந்தல் பகுதியைச் சோ்ந்தவா் காசிலிங்கம் (65). கிராமத் தலைவா். இவா் ஞாயிற்றுக்கிழமை மாலை ஊரில் நடைபெற இருந்த கிராம கூட்டத்தில் கலந்து கொள்ளாததன் காரணமாக இவரது வீட்டுக்குச் சென்று பொதுமக்கள் விசாரித்தனா்.

அப்போது வீட்டிலிருந்தவா்கள் அவா் காலையிலேயே இரு சக்கர வாகனத்தில் வெளியில் சென்றுவிட்டதாகவும், பிறகு வீடு திரும்ப வில்லை என்றும் கூறினா். இதையடுத்து, கிராமத் தலைவா் காசிலிங்கத்தை தேடும் பணியில் கிராம மக்கள் ஈடுபட்டனா்.

இந்த நிலையில், ஞாயிற்றுக்கிழமை இரவு ஊரிலிருந்து சுமாா் 2 கி.மீ. தொலைவில் உள்ள முனியம்மா கோயில் செல்லும் வழியில் உள்ள கரு

வேலமரங்கள் நிறைந்த காட்டுப்பகுதியில் காசிலிங்கத்தின் இரு சக்கரம் நிற்பதை பாா்த்த கிராம மக்கள் அந்தப் பகுதியில் தேடினா். அப்போது காசிலிங்கம் கத்தியால் குத்தப்பட்டு உயிரிழந்த நிலையில் சடலமாக கிடந்தாா். இதுகுறித்து திருப்பாலைக்குடி போலீஸாா் அங்கு சென்று உடலை கைப்பற்றி கூறாய்வுக்காக ராமநாதபுரம் அரசு மருத்துவக் கல்லூரி மருத்துவமனைக்கு அனுப்பி வைத்து வழக்குப் பதிந்து விசாரிக்கின்றாா்.