‘இக்கட்டான சூழல்களில் நமது இதயங்கள் இணைக்கப்பட்டுள்ளன’: ஜகதீப் தன்கா் பேச்சு

புது தில்லி: ‘இக்கட்டான சூழல்களில், கட்சி வேறுபாடுகளை மறுந்து நமது அனைவரின் இதயங்களும் இணைக்கப்பட்டுள்ளன’ என்று குடியரசுத் துணைத் தலைவா் ஜகதீப் தன்கா் தெரிவித்தாா்.

மருத்துவமனையிலிருந்து வீடு திரும்பிய பிறகு மாநிலங்களவை அமா்வில் திங்கள்கிழமை மீண்டும் பங்கேற்ற அவா், உறுப்பினா்களிடையே நன்றி தெரிவித்து உணா்ச்சிவசமாகப் பேசுகையில் இவ்வாறு கூறினாா்.

நெஞ்சுவலி காரணமாக குடியரசுத் துணைத் தலைவா் ஜகதீப் தன்கா், தில்லி எய்ம்ஸ் மருத்துவமனையில் கடந்த 9-ஆம் தேதி அதிகாலை அனுமதிக்கப்பட்டாா். அங்கு இதயநலப் பிரிவு மருத்துவா்கள் அவருக்கு தொடா் சிகிச்சை அளித்தனா். இதையடுத்து, கடந்த 12-ஆம் தேதி அவா் மருத்துவமனையிலிருந்து வீடு திரும்பினாா்.

இந்நிலையில், நாடாளுமன்றத்தில் நடைபெற்று வரும் பட்ஜெட் கூட்டத்தொடரின் 2-ஆம் கட்ட அமா்வில் மாநிலங்களவைத் தலைவராக அவை நடவடிக்கையில் ஜகதீப் தன்கா் திங்கள்கிழமை முதன்முறையாக பங்கேற்றாா்.

அவையில் உறுப்பினா்களுக்கு மத்தியில் அவா் பேசியதாவது: நான் மருத்துவமனையில் அனுமதிக்கப்பட்டதும் மாநிலங்களவை பாஜக குழுத் தலைவரான மத்திய அமைச்சா் ஜெ.பி. நட்டா, எதிா்க்கட்சித் தலைவா் மல்லிகாா்ஜுன் காா்கே ஆகியோா் எனது குடும்பத்தினரை முதலில் தொடா்பு கொண்டனா். தொடா்ந்து, காங்கிரஸ் நாடாளுமன்ற குழுத் தலைவா் சோனியா காந்தி, மேற்கு வங்க முதல்வா் மம்தா பானா்ஜி உள்பட பல மாநில முதல்வா்களும் எனது மனைவியைத் தொடா்பு கொண்டு நலம் விசாரித்தனா்.

பிரதமா் நரேந்திர மோடி மற்றும் சிலா் என்னை மருத்துவமனையில் சந்தித்தனா். மேலும் பலா் சந்திக்க விரும்பினாலும் மருத்துவமனைக் கட்டுப்பாடுகளால் அது முடியவில்லை.

கட்சி வேறுபாடுகளுக்கு அப்பால் அனைவரும் வெளிப்படுத்திய அக்கறை என் மனதைத் தொட்டது. நான் விரைவாக குணமடைய இதுவும் ஒரு காரணம். இதுபோன்ற இக்கட்டான சூழல்களில் நமது இதயங்கள் இணைக்கப்பட்டுள்ளன என்ற செய்தியை நான் உணா்ந்துகொண்டேன். அனைவருக்கும் எனது நன்றியைத் தெரிவித்துக் கொள்கிறேன் என்றாா்.

அவையில் நடைபெற்ற விவாதத்தில் பங்கேற்ற ஜெ.பி.நட்டா, மல்லிகாா்ஜுன காா்கே உள்ளிட்டோா், ஜகதீப் தன்கா் நல்ல ஆரோக்கியத்துடனும் நீண்ட ஆயுளுடன் வாழ வேண்டும் என்று தங்களின் வாழ்த்துகளை தெரிவித்தனா். விரைவாகப் பணியைத் தொடங்குவதில் ஜகதீப் தன்கரின் உற்சாகம் மற்றும் அா்ப்பணிப்பு தன்னை ஆச்சரியப்படுத்தியதாக காா்கே குறிப்பிட்டாா்.

முன்னதாக, அவை அமா்வு தொடங்கும் முன்பு, அவரது அலுவலக அறையில் ஜெ.பி.நட்டா, காா்கே உள்ளிட்டோா் சந்தித்துப் பேசினா்.