விருதுநகர்: "பாறையாக உள்ள பட்டா நிலத்தை மாற்றி தாங்க" - தீக்குளிக்க முயன்ற பெண்;...
இட்லி கடை: ``அந்த அனுபவத்தில் சொல்கிறேன், தனுஷுக்கு அது நுணுக்கமாகத் தெரிகிறது" - அருண் விஜய்
Admin
- 2 hours ago
ப பாண்டி, ராயன், நிலவுக்கு என் மேல் என்னடி கோபம் ஆகிய படங்களைத் தொடர்ந்து நடிகர் தனுஷ் இயக்கும் நான்காவது படம் இட்லி கடை. இந்தப் படத்தில் முருகன் என்ற கதாபாத்திரத்தில் நடித்திருக்கிறார்.
தனுஷுடன் அருண் விஜய், ராஜ்கிரண், சத்யராஜ், பார்த்திபன், ஷாலினி பாண்டே, நித்யா மேனன், சமுத்திரக்கனி, வடிவுக்கரசி உள்ளிட்ட நட்சத்திரங்கள் இணைந்து நடித்துள்ள இப்படத்துக்கு, ஜி.வி.பிரகாஷ் இசையமைத்துள்ளார்.
இந்தப் படத்தின் இசை வெளியீட்டு விழா சென்னையில் நேற்று (செப்டம்பர் 14) நடைபெற்றது. இந்த விழாவில் பேசிய நடிகர் அருண் விஜய், ``ராயன் படத்தைப் பார்த்ததிலிருந்து தனுஷுடன் இணைந்து பணியாற்ற விரும்பினேன்.
எனது ஆசை இவ்வளவு சீக்கிரம் நிறைவேறும் என்று நான் எதிர்பார்க்கவில்லை. எனது கதாபாத்திரத்துடன் அவர் சொன்ன கதை என்னை இந்தப் படத்திற்குள் கொண்டுவந்தது.
மிக முக்கியமாக, இட்லி கடை படம் ரசிகர்களுக்கு நெருக்கமான படமாக அமையும், அனைவராலும் விரும்பப்படும் என்பதில் நான் உறுதியாக இருக்கிறேன்.
குறிப்பாக சத்யராஜ், பார்த்திபன், ராஜ்கிரண், சமுத்திரக்கனி, நித்யா மேனன், ஷாலினி பாண்டே ஆகியோருடன் முதல் முறையாகப் பணியாற்றும் வாய்ப்பு கிடைத்ததில் பெரும் மகிழ்ச்சி.
தனுஷ் ஒரு திறமையான மனிதர். அவரது படைப்புகளைப் பார்த்து நான் உண்மையிலேயே ஆச்சரியப்பட்டேன். ஒரு இயக்குநராக, கதையில் தனக்கு என்ன வேண்டும் என்பதில் அவர் தெளிவாக இருக்கிறார்.
நடிகர்களிடமிருந்து சிறந்த நடிப்பைப் பெற வேண்டும் என்பதிலும் கராராக இருந்தார். மணிரத்னம், மகிழ் திருமேனி, கௌதம் மேனன், அறிவழகன் போன்ற பல மூத்த இயக்குநர்களுடன் நான் பணியாற்றியுள்ளேன்.
அந்த அனுபவத்தில் சொல்கிறேன். ஒரு காட்சியை எப்படி நன்றாக அமைக்க வேண்டும் என்பது அவருக்குத் நுணுக்கமாகத் தெரிகிறது.
எல்லாவற்றையும் அமைதியாகக் கையாண்டதால், நான் இன்னொரு அனுபவமிக்க இயக்குநருடன் பணிபுரிவது போல் உணர்ந்தேன்.
இந்தப் படம் அனைவருக்கும் ஒரு விருந்தாக இருக்கும் என்று நான் நம்புகிறேன். தனுஷும், ஜிவி பிரகாஷும் இணைந்தால் ஒரு மேஜிக் நடக்கிறது.
அந்த மேஜிக்கை இந்தப் படத்திலும் பார்க்கலாம். பாடல்களைக் கேட்டிருப்பீர்கள். ஆனால், படத்துடன் இணைந்து பார்க்க ஆவலாக இருக்கிறேன்" என்றார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
