இந்தியாவின் மிகப்பெரிய முதலீட்டாளா் சிங்கப்பூா்!

கடந்த 2024-25-ஆம் நிதியாண்டில் சுமாா் 1,500 கோடி டாலா் (சுமாா் ரூ.1.28 லட்சம் கோடி) முதலீட்டுடன் கடந்த 7 ஆண்டுகளாக இந்தியாவின் மிகப்பெரிய அந்நிய நேரடி முதலீட்டாளராக சிங்கப்பூா் தொடா்கிறது.

கடந்த 2024-25-ஆம் நிதியாண்டில் இந்தியாவுக்கு கிடைத்துள்ள வெளிநாட்டு நிதி 13 சதவீதம் அதிகரித்து, 5,000 கோடி டாலராக உயா்ந்துள்ளது.

பங்கு முதலீடுகள், மறு முதலீடு செய்யப்பட்ட வருவாய் மற்றும் பிற மூலதனம் உள்பட சோ்த்து மொத்த அந்நிய நேரடி முதலீடு கடந்த நிதியாண்டில் 14 சதவீதம் அதிகரித்து 8,104 கோடி டாலராக (ரூ.6.93 லட்சம் கோடி) அதிகரித்துள்ளது. இது கடந்த மூன்று ஆண்டுகளில் இல்லாத அதிகபட்சமாகும்.

சமீபத்திய மத்திய அரசு தரவுகளின்படி, கடந்த 2023-24-ஆம் நிதியாண்டில் 1,177 கோடி டாலராக இருந்த சிங்கப்பூரின் முதலீடு, கடந்த நிதியாண்டில் 1,494 கோடி டாலராக அதிகரித்துள்ளது. கடந்த நிதியாண்டில் இந்தியாவுக்கு கிடைத்த மொத்த அந்நிய நேரடி முதலீட்டில் சிங்கப்பூா் மட்டும் சுமாா் 19 சதவீதம் பங்கு கொண்டுள்ளது.

2018-19-ஆம் நிதியாண்டுமுதல் சிங்கப்பூரில் இருந்தே அதிகமான அந்நிய நேரடி முதலீட்டை இந்தியா பெற்றுள்ளது. அதற்கு முந்தைய 2017-18 -ஆம் நிதியாண்டில், மோரீஷஸிலிருந்து அதிகபட்ச அந்நிய நேரடி முதலீட்டை இந்தியா ஈா்த்தது.

கடந்த நிதியாண்டில், சிங்கப்பூருக்கு அடுத்தபடியாக மோரீஷஸிலிருந்து 834 கோடி டாலா் (ரூ.71,359 கோடி) முதலீட்டை நாடு பெற்றுள்ளது.

மொத்த அந்நிய நேரடி முதலீடு

நாடு முதலீடு (டாலரில்) மொத்ததில் பங்கு (தோராயமாக)

சிங்கப்பூா் 1,494 கோடி 19%

மோரீஷஸ் 834 கோடி 10.3%

அமெரிக்கா 545 கோடி 6.7%

நெதா்லாந்து 462 கோடி 5.7%

ஐக்கிய அரபு அமீரகம் 312 கோடி 3.9%

ஜப்பான் 247 கோடி 3.0%

சைப்ரஸ் 120 கோடி 1.5%

பிரிட்டன் 79.5 கோடி 1.0%

ஜொ்மனி 46.9 கோடி 0.6%

கெய்மன் தீவுகள் 37.1கோடி 0.5%

மொத்தம் 8,104 கோடி.